Skip to Content Facebook Feature Image

泰加保險6161|主要股東張德熙二度低價減持 每股作價僅0.001元

錢財事

泰加保險6161|主要股東張德熙二度低價減持 每股作價僅0.001元
錢財事

錢財事

泰加保險6161|主要股東張德熙二度低價減持 每股作價僅0.001元

2022年01月18日 18:39 最後更新:18:42

因退保本港的士保險業務,與保監局捲入紛爭、仍處於停牌階段的泰加保險(06161)發公告,指主要股東張德熙再次場外轉讓股份。張德熙全資擁有的IAML於上週三(12日),向第三方以5萬元轉讓5千萬股股份,每股作價僅0.001元,較泰加停牌前股價0.48元大幅折讓99.8%。轉讓股份佔公司於該據稱轉讓進行時的全部已發行股本約7.99%,今天(18日)收到第三方書面通知。


泰加表示,該買方的法律顧問已向股份過戶登記處提交要求,在公司的股東名冊上登記該據稱轉讓。鑒於該買方及其法律顧問尚未提供轉讓股份的現有股票,公司目前正在核證該據稱轉讓是否受停止通知書下的限制所規限。泰加續說,股份將繼續暫停買賣,直至另行通知。


泰加於本月5號開始停牌,公司於6號收到通知,張德熙於去年10月18日完成一項場外交易,同樣以每股作價0.001元,以3萬元出售3000萬股予第三方。即是次為張德熙第二次低價減持泰加股份。根據聯交所資料顯示,張德熙在去年8月8日辭任泰加保險主席兼執行董事職務,而據當時權益披露,張德熙持有泰加保險約1.59億股或25.37%。(fl)

往下看更多文章

古天后日誌|港股乏成交配合 升勢難以持久

2023年03月30日 10:18 最後更新:10:58

3月30日,大致多雲,間中有幾陣雨,未來一兩日天氣將回升。隔晚美股做好,市場憧憬國會推出新存款保障方案,金融股做好帶動大市向上,道指升323點;標指之前落到3800之前有支持持續反彈,隔晚升至4000水平之上,升56點,納指則升210點,似乎無懼債升回升。

隨著銀行危機退去,市場更關心5月是否加息,週初市場還估計美聯儲仍會以通脹為要,5月再加0.25%,不過若然4月通脹數字回落,5月停止加息機會仍然存在。即使鮑爺之前講咗話今年之內唔會減息,不過要完全解決銀行危機,增強銀行資產負債表先係長遠解決危機嘅方法,要銀行資產負債表加強,停止加息甚至提早減息,先係有效方法。

市場氣氛逐漸回復,資金再度risk on,資金繼續尋找機會,虛擬貨幣回升正好證明呢一點,而人民幣離岸價亦回升,似乎有資金東來,但睇真中港兩地股市成交,似乎兩地股市未有受惠,雖說噚日港股成交回升至1400億樓上,但指數喺20000水平,成交額隨之向上係合理,但上周當大市回落至19000低位,成交額不過1000億左右,明顯低位進場資金有限,本周回升不過係好友係結算前盡最大努力,將指數挾高嘅把戲。好友於月中不斷推升中字股以托住指數,但那邊廂淡友則大力沽空ATMJ去質低指數,直至前日好友拋出阿里(09988)震撼旦,將大市推升至20000水平之上,今日期指結算,好友能維持指數喺20000水平都未叫反勝,頂多係減少損失。經過3月呢一役,好友其後仲有乜嘢法寶可以將指數維持喺20000水平之上,古天后唔敢講,只係一個欠缺成交配合嘅市場,升勢可以有幾持久。

停咗牌超過一年嘅泰加保險控股(06161)近期動作頻繁,公司主要股東吳宇重返董事局並擔任主席,拋出一系列方案,包括捐贈一間海外綜合保險公司予上市公司,同時注資2億港元,以及發行40億債券發展海外保險業務等,為公司復牌創造有利條件。自其全資附屬公司泰加保險被清盤後,公司股份已經停牌超過一年。根據港交所上市規則第13.24條,上市公司需具備充足業務運營及資產支撐,方能繼續上市交易。因此,泰加保險控股嘅一連串舉措,無疑是為咗儘早滿足呢啲,實現復牌。

過去幾年,最為矚目嘅停牌公司肯定係康宏,深圳幫跟台灣幫之間互鬥,輾轉三年慘被取消上市地位,最終受苦嘅都係一班無辜小股東,一生積蓄血本無歸。呢啲事件,無疑對本港國際金融中心地位都會產生負面影響。相較之下,泰加事件複雜性較低,主要股東吳宇一方嘅管理層態度更為積極正面,而接連嘅救援行動,亦為公司復牌帶嚟新希望,目前市場關注焦點在於吳宇捐贈嘅阿聯酋保險公司Himalayas Insurance能否迅速實現發展。

目前,中阿合作已成為2023中國經濟走出去嘅重要一步,隨著愈來愈多中國企業跟阿拉伯地區企業合作,必然帶來大量金融、保險需求及商機。泰加今次抓住機遇,主動出擊佈局中東地區保險業務,搶佔先發優勢,正正係其整體戰略佈局嘅重要一環,拭目以待泰加最終能否成功復牌,咁一眾小股東亦翻身有望。