鄭融約埋林德信跑步 笑住齊做HIIT

最緊要搵到快樂方法。

現年37歲鄭融（Stephanie）好鍾意做運動特別係跑步，而36歲林德信（Alex）好多年前已經係瑜伽導師，亦好鍾意運動，最新就係玩攀石。兩位運動之友都會約埋去跑步，仲好貼心咁拍片提大家，跑步之前嘅40分钟，可以做一個簡單嘅HIIT，作用係提高心率，強化心肺功能，達到消脂減肥效果。

林德信嘅瑜伽造詣好高。

林德信目前有攀石一級程度。

鄭融愈跑愈Fit。

仲Fit過廿幾歲嗰陣。

兩位朋友做咗4 Part HIIT， 見佢哋邊做邊笑，完全係快樂運動。Alex好高興可以同鄭融一齊笑一齊流汗，而後者就強調無論發生咩事，最重要搵到保持健康同快樂嘅方法，大家收到未?

睇鄭融笑得幾開心。

快樂運動果然好快樂。

鄭融條辮好有動感。

兩個做得好齊。

做完擊個掌互相鼓勵。

鄭融林德信約埋跑步 笑住齊做HIIT最緊要搵到快樂方法

網上音樂節目《Singaholic》來到第六集，主理人鄧小巧這集找來鄭融任嘉賓。

一開場，小巧便唱出鄭融（Stephanie）的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」

小巧唱出鄭融的代表作《紅綠燈》歡迎鄭融。

小巧指讀書時期每一次去唱K，一定會有人點《紅綠燈》。

觀看相關影片按連結：https://youtu.be/qF-gFDNP2vc?si=f6oaRHTQK8gxOA2o

節目傳統，歌手們都會一邊唱歌、一邊「㗳」番兩杯，不過外表看似野性的鄭融原來是非酒精人士，「睇唔出呢，我唔得㗎。大家想飲酒係因為覺得會放鬆、開心，但我唔會㗎，我會面紅同埋好易頭痛，所以我通常都係mocktail。」但她表示近年食飯都會飲番一、兩杯紅酒，但會放足一晚，「攤長飲，好慢，永遠都會飲剩。」

鄭融外表看似野性，但原來是非酒精人士。

問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！但係佢未聽過我咁樣稱呼佢，勁唔勁啊！但都已經隔咗好多年，佢都唔介意嘅。其實唔係有啲乜嘢，但係我唔會咁樣稱呼佢。」

鄭融分享醉酒後做過最瘋的事。

就是叫前商台蔡冕麗小姐DJ Mini「紅頭Min」。

就是叫前商台蔡冕麗小姐DJ Mini「紅頭Min」。

講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整甚麼，鄭融想也不用想便答道：「『駁高個人囉！哈哈，我又冇乜嘢想整。』係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾掂唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」

小巧指現在多了不同身型的藝人。

鄭融自爆自己的身高已說明一切，「我真係exactly五呎，五呎一都冇。」

小巧問如果整容的話想整甚麼？

鄭融直言想增高！