*

其他文章
楊明燉湯店6分店全執笠 轉做網購及批發唔使交貴租

薛家燕望再添孫 麥玲玲贈富貴竹及五代同堂

盆栽擺放有學問。

去年,麥玲玲贈送了富貴竹給薛家燕,整年家燕姐都好旺兼順順利利、平平安安,所以今年家燕姐想keep住道旺氣,再請玲玲師傅為她揀靚嘅富貴竹。早前,家燕姐同玲玲師傅到花墟拍攝《新春開運王》外景時,家燕姐順道買番一打富貴竹看門口,玲玲師傅帶她去幫襯開嘅花店,揀選又長又翠綠嘅富貴竹,玲玲師傅仲教大家揀富貴竹嘅小貼士,並話:「揀富貴竹最緊要睇有冇根,有根先靚,擺成年都可以。」

左起:周志康、薛家燕、麥玲玲同宋宛穎,嚟到花墟拍《新春開運王》。

家燕姐每年都會買蘭花擺放喺屋企同公司。

 

當日,早上十時,家燕姐與兩位主持周志康和宋宛穎及麥玲玲師傅嚟到花墟拍外景,玲玲師傅指,唔同嘅花、唔同嘅盆栽、唔同嘅植物,擺喺唔同嘅地方,對運勢都有幫助,想知道應該喺邊個方位擺放邊種植物,明天(21日)就要收睇《新春開運王》。家燕組話:「本來係想玲玲師傅帶我去花店買富貴竹,上年佢送咗啲富貴竹俾我,擺咗成年都好靚,所以今次想玲玲師傅幫我揀,我可以擺喺屋企同公司,點知玲玲師傅好客氣,又送富貴竹俾我,我就送咗盆蘭花俾佢,點知臨走時,花店個老闆又送咗一盆蘭花俾我,一盆俾玲玲師傅。」 

- 閱讀更多 -

往下看更多文章