無得飛去日本，網上旅行有無興趣？受疫情影響，市民已近兩年沒有外遊，只能靠Staycation及本地遊，望梅止渴。近日有網民在討論區發放一張相片，指有本地小學舉辦Zoom遊學團去京都，有網民笑言：「今舖真係眼睛去旅行！」
資料圖片
有關帖文於今午出現，網民客家人（彩虹小馬）在連登討論區上載了一張本地小學的通告，標題為「Zoom 遊學團『眼睛賞世界——日本文化之旅：京都遊』」，目標對象為5年級至6年級學生，「出發」日期為今年4月18日及19日共兩天，名額大約150至450人，而遊學團將以視像形式進行。
設計圖片
通告內又提及，遊學團會由領隊、當地導遊及導師陪同於網上進行，行程包括瀏覽京都大街小巷、清水寺、嵐山、大阪水族館及大阪環球影城USJ，另外又有手工互動，包括鬼滅之刃摺紙教學、迷你浴袍製作、日本動漫布袋、壽司製作示範、親嚐製作特別版壽司及訂購當地紀念品。
有本地小學舉辦Zoom遊學團去京都，惹來網民熱烈討論。
不過，遊學團的費用為每人750元，學校會津貼350元，所以每名學生需付400元及準備新鮮食材才可參加。多名網民看畢通告後都認為Zoom遊學團好貴，有「掠水」之嫌，「校方夾埋旅行社屈錢」、「400蚊睇goolge Map？」、「400蚊我買盤壽司返屋企一家大細食仲開心啦」、「香港旅遊業現曙光」、「今舖真係眼睛去旅行！」。
網傳小學搞Zoom遊京都收$750 網民:今次真係眼睛去旅行
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
