李居明踼爆薛家燕與圈外男友感情生變

李居明表示家燕姐要2028年先再有戀情。

受疫情影響，香港與內地來往受限制，薛家燕與長期喺內地營商嘅圈外男友「A君」的關係亦起了變化！日前玄學家李居明為家燕姐測算虎年運程時，李居明驚爆家燕姐跟「A君」的關係亮起紅燈，指呢幾年家燕姐的老伴著咗火燒走咗！搞到家燕姐尷尬笑住打圓場說：「疫情關係，大家唔好行埋住！」

被李居明爆情變，家燕姐笑得尷尬。

李居明成為家燕姐御用風水師，不時指點迷津。

日前薛家燕聯同港姐宋宛穎、周志康、李居明喺尖沙嘴碼頭鐘樓拍攝TVB節目《新春開運王》外景，節目中李居明提到虎年喺睡房西南方，放置一個金色圓形有秒針嘅鬧鐘能有助風水效應，全年就會行好運。 

周志康、李居明、家燕姐及宋宛穎喺尖沙咀鐘樓拍外景。

家燕姐想新抱為孫仔添個妹妹。

2028年先再有戀情

去年9月，李居明踢爆陳自瑤(YoYo)與王浩信已分手，仲爆響口話有人唔想復合，搞到YoYo勁尷尬。日前《新春開運王》外景探班，李居明表示家燕姐感情生變：「佢一直緊張有冇老伴，但呢幾年佢老伴著火燒咗，暫時冇，直至2028年8月，不過未必會結婚。」記者追問家燕姐係咪同男友分咗手時？家燕姐笑得相當尷尬：「唔講唔講，守下秘密，玄機不可洩露，疫情下大家唔好行埋住…而且年紀咁大唔會結婚喇…」李居明再「追擊」：「我知道晒但唔講得，家燕姐我一定會同你守住呢個秘密…」家燕姐唯有笑住答：「多謝。」

家燕姐好心急兩個寶貝女有冇拖拍。

大師建議家燕姐兒媳喺晚間11點至凌晨1點努力造人。

另外李居明叮囑家燕姐兩女石祐珊及石耀珠要把握呢兩年時機搵男友，因為兩女孤芳自賞較難物色對象。另指家燕姐喺兔年會再做嫲嫲，而添個女孫會助兒子石耀庭催運，兒媳最好喺晚間11時至凌晨1時行房。

家燕姐想新抱為孫仔添個妹妹。

李居明踼爆薛家燕與圈外男友感情生變

李思捷接受新城「開心大派對」訪問公開扮嘢小貼士。

李思捷今日（4月6日）接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令到對演藝好有熱誠，但沒有機會表演的一群學員，有機會在螢光幕上表現自己才華，家燕姐更對其中一位學員前天堂鳥隊員Gordan（葉泓聲）扮羅志祥十分欣賞，思捷也讚Gordan一向跳舞好出色。

李思捷接受新城「開心大派對」主持薛家燕、范振鋒、思敏直播訪問。

家燕姐大讚思捷是喜劇中難得的人才。

李思捷在訪問中表示《福祿壽訓練學院》參賽者有藝人，也有不少素人參加，坦言比賽初期，藝人有演戲經驗比較着數，不過他相信只要素人上多幾次舞台，潛質就會發揮出來，他希望《福》節目能夠好似《中年好聲音》搞得一樣出色，也不介意與學員們合作做併盤，希望為觀眾帶來更多開心喜劇及表演。

李思捷希望《福祿壽訓練學院》節目能夠好似《中年好聲音》搞得一樣出色。

思捷與三位主持人傾到雞啄唔斷。

李思捷感謝有幸參與《歡樂今宵》
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。

在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀…….」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即好奇地哈哈大笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」

氣氛熱鬧！

詳細精彩內容，請重溫4月6日，下午2-4時，新城知訊台《開心大派對》節目 ，重溫網址：https://www.metroradio.com.hk/MetroInfo/