*

其他文章
多部門聯合行動 一連兩日嚴打葵青區阻街 10棄置車輛充公兼發15張告票
upload_article_image

逸葵樓居民隔離前大吐苦水 批街坊無戴口罩播疫:嗰啲阿伯阿叔害死人呀

政府宣布圍封葵涌邨逸葵樓5日,由即日傍晚6時起至下周三(26日)早上,2700名居民需逗留家中,每日檢測。有居民居家隔離前接受記者訪問,大吐苦水,批評是平時邨內沒有戴好口罩的街坊導致疫情,直言「嗰啲阿伯阿叔,害死人呀」。

邱女士對無辜被圍封5日相當勞氣。

住客邱女士對於葵涌邨爆疫,導致自己被困5日相當勞氣,將不滿情緒發泄在平時在邨內沒有自覺戴好口罩的街坊,激動大喝:「嬲到死,成日唔戴口罩㗎,嗰啲阿伯阿叔,害死人呀!你哋要中就中,唔好搞我!我哋乖我哋打埋三針,仲日日戴口罩,隨時買乜嘢都(酒精)噴手……真係好火呀,而家成棟樓要封呀!害咗我哋啲乖嘅、聽話嘅。」

住客邱女士為家人買齊食物。

- 閱讀更多 -

往下看更多文章