為處男擔正短劇瘋狂換造型 《人棄王》五子冒風雨槍戰熱血爆燈

 心血之作啊！

由陳俊堅、鄭雋熹、程浩駿、林浩文及姚宏遠五位七線藝人擔大旗的話題綜藝節目《七線人棄王》，自上架後一直高踞myTV Gold 收費用戶點擊排行榜十大之列，亦是付費綜藝節目之冠，成績斐然。

左起：陳俊堅、林浩文、姚宏遠、鄭雋熹、程浩駿

除了之前曝光的野外Camping、無底線自爆式Talk Show、七線王實驗式體驗及七線王日記外，還有不少爆趣無厘頭短劇，其中一個重頭劇更由五子親自上陣自編自導自演，客串嘉賓則有戴耀明及鍾志光。短劇內容講述膽小怕事的小混混熹熹，孖住胡裡胡塗的江湖大佬駿駿，企圖向一表人才的遠遠行劫，卻反被說服轉為潛行豪宅爆格。以為成功撇甩兩位江湖人士的遠遠，開車期間再度遇上惡賊堅堅及神化Style的文文「騎劫」，最終五子在遠遠寓所「相遇」，並因種種經歷成為好友，最後發現有人玩背叛…

呢個綁架犯造型又幾sharp 醒喎。呢個短劇鍾志光有份客串演出，而且仲幾搞笑吓。

雖然短劇只有十分鐘，但背後製作卻異常認真。先數五子造型，除了Bob頭江湖人士Look、還有探員、搜證人士、道士、醫護人員及綁架犯Look等。

程浩駿（左）同鄭雋熹嘅江湖人士Look好搶。

陳俊堅（左）飾演悍匪，林浩文則飾演神化低B與智慧並重嘅賊匪。

姚宏偉（中）喺劇入面做成功人士。

熹熹係一個超驚青嘅小混混，所以笑料百出。

駿駿呢位江湖大佬其實係懵盛盛。

遠遠係一個有型有款嘅成功人士，主要功能負責Chok。

堅堅冇乜幾何咁粗獷。

文文計仔多多，但啲橋work唔work就…

法證都玩埋，邊個夠你哋玩呀？

仲有道士造型！究竟個短劇點解會發展到咁多造型？

為了讓觀眾及自己過足戲癮，五子除了設計了「既簡單又隆重」的手術室場口，兼且無厘頭以熨斗代替心肺復甦器外，還設計了一場超大型「錯摸式」槍戰場面， 即使製作成本一點也不高，但五子拍出來的效果仍算有點睇頭，加上大量無厘頭鄉下話兼港式英語，相當搞笑。據知為了拍好處男擔正劇，五子落足心思，除了事前花了大量時間進行場地視察，之後拍攝工作也花了接近四天才完成，拍攝期間更多次遇上貨真價實的「屋漏兼逢連夜雨」。

呢個手術場面，流得嚟又有啲認真。

嗱！呢個就係用熨斗救心嘅後遺症。

五子又要演又要導，周身唔得閒。

剪片當然都有佢哋份啦。

根據製作組發布的最新拍攝花絮片，五子拍攝槍戰當日天氣相當惡劣，不但大霧，還一直刮風下大雨。由於製作成本及時間有限，五子及現場工作人員決定硬著頭皮頂硬上，不但被風吹至東歪西倒，連眼睛也睜不開，更要在甚為艱難的情況下完成多個動作場面，熱血指數爆燈。五子事後笑言希望透過誇張的短劇手法，激勵大家堅持追夢，「套劇最後會發現我哋五個其實係臨記，只係代替主角『度位』架啫，雖然係咁，我哋嘅對白係『做臨時演員係辛苦，但享受就得啦，唔係十年後邊度有嘢講？』呢個亦係我哋現實入面嘅心聲。」

睇番片就知拍攝現場幾咁大風。

幕後同事一樣好辛苦。

林浩文為演智障院友更入戲提早一個月反覆練習！

由葉鎮輝（阿細）及權香蘭擔任監製、蔡婷婷、馮日進擔任編審的《旁觀者》，逢周一至五晚九點半翡翠台播映，主要演員包括周柏豪、王敏奕、吳若希、羅天宇、馬貫東、連詩雅、胡蓓蔚、謝東閔、周志康及鄧伊婷等。

林子超真係好似一個活潑又頑皮嘅小男孩，佢受訪時坦言演呢個角色最大難度係要好集中，所以呢場喺鬧市拍嘅場口，對佢嚟講係一個挑戰。

子超無論面部表情同聲線都落足功夫。

林浩文嘅角色相對壓抑得多。

昨晚（12日）一集劇情圍繞院舍院長虐待院友事件。阿章（林子超飾）與小白（林浩文飾）因智力低於常人被送往院舍照顧，二人因而成為好友。某天，小白突然墮樓，小魚（王敏奕飾）與浚祈（羅天宇飾）調查後懷疑小白長期遭受院長虐待（吳瑞庭飾）；與此同時，小白離奇慘死…雖然種種迹象均顯示事件與院長有關，但由於院長表面慈祥、深得院友親人信任，眾人苦無對策，最終「鼠尾草殺手」覓希（周柏豪飾）看不過眼決定出手制裁加害者，可惜卻在執行時遭小魚撞個正著…

但因為佢個心智都只係小朋友，所以偶爾亦會流露童真同愛媽媽一面。

因為浩文演嘅係一個備受虐待嘅角色。

所以佢成日要演繹好痛苦同好驚恐嘅表情，都好消耗能量。

哭別好友阿章場口。

哭別好友阿章場口。

林浩文話呢個場口好感激王敏奕幫佢入戲。

子超：「望透過角色令觀眾關注及留意社會上唔同社群嘅難處」
昨晚絕對是一眾演員演技大鬥法之夜，當中以飾演智障院友的林子超及林浩文最為搶戲。雖然同樣飾演智障院友，但因為子超和浩文的角色際遇不同，故二人演繹方法亦有分別兼各有各搶。子超飾演的阿章，由於不是院長集中對付對象，故性格較活潑樂天，子超除了在臉部表情下了很大功夫，聲線方面亦明顯採用了天真娃娃Tone，演活了單純及天真無邪狀態。談到拍攝難忘事，子超透露是在街市頑皮搗蛋的場口：「最難忘喺條街度跳嚟跳去，因為我演呢個角色需要好多專注力，先至可以完全投入到。奈何當時嘅環境好多人同好嘈，所以對專注力係一個好大嘅挑戰。」談到事前準備功夫，子超說：「我事前有上網留意番有咩小動作同埋面部表情可以令我演繹時更加神似。我覺得演呢個角色最大挑戰，唔係演得幾好、幾似，而係我希望可以透過呢個角色，令觀眾關注同留意到社會上唔同社群嘅人、人生上有咩難處，同埋對佢哋有更多嘅關心。」

林子超同林浩文嘅「魚蛋兄弟情」又窩心又可愛。

飾演小白媽咪嘅陳念君亦演得相當好。

吳瑞庭亦演活「雙面院長」。

至於飾演小白的林浩文，由於角色長期備受虐待，故全程演繹相對較壓抑，除了要挑戰喊戲，還要長期做出驚恐及有口難言狀態，難怪林浩文受訪時亦坦言是從演以來最有突破角色。為了演好小白，林浩文事前準備功夫長達一個月，林浩文說：「我事前參考咗好多相關訪問同電影，然後再不斷喺屋企反覆模仿同練習，包括同屋企人傾偈、食飯、去廁所、斟水飲，我都keep住個狀態，搞到我屋企人都唔係好習慣。由收到要做呢個角色到正式拍攝，中間大概用咗一個月時間反覆練習，嘗試感受佢哋嘅內心世界同身體上嘅限制。」浩文還特別感激王敏奕幫忙帶入戲：「有場戲係敏奕送我返屋企，嗰場戲我要喊得好勁，但我點都去唔到應有嘅情緒。敏奕就好好咁同我傾咗一陣，慢慢帶我進入狀態，然後我就好順利完成咗場戲，所以我非常感激敏奕。」

尋晚嗰隻王敏奕真係過足戲癮，除咗要代入小白媽咪嘅角色。

真係少啲想像力同體力都唔掂。

連老妝都演埋，勁！

雖然昨晚Case相當虐心，但阿章與小白活像小男孩般單純的互動場口，仍是相當暖心。原來二人如此有默契，全靠之前拍攝綜藝節目《盛‧舞者》時「朝夕相對」，浩文說：「同子超合作簡直係舒服，之前我哋拍《盛‧舞者》，連續兩個月不斷排練同比賽，幾乎每日都見住對方，從中已經培養出好好嘅默契，所以今次《旁觀者》再合作就好順利。」

林浩文好感激王敏奕幫忙帶入戲。

林子超話今次演呢個角色完全冇化妝，仲額外加咗暗瘡印。