38歲的徐天佑出身於組合Shine，傳因政見不合拆夥。
38歲的徐天佑出身於組合Shine，有傳天佑同又南因政見不合，19年宣佈分開發展。15年11月，天佑同拍拖8年的富貴女友Olive結婚，去年9月離開合作20年的經理人公司，並坦言離開舒適圈是為了試新嘢。其實近年天佑已作出不少新嘗試，如推出個人專輯及拍劇，發展唔錯，專注事業及家庭之餘，天佑亦很懂得享受生活。日前就見到佢喺鑼灣獨自行超市，見佢揀嘢滋滋悠悠，行足成粒鐘先埋單走人，咁慢活難怪個樣Keep得咁Young啦。
點擊看圖輯
38歲的徐天佑出身於組合Shine，傳因政見不合拆夥。
從天佑買嘢可見佢嘅典型金牛座特質：木訥、滋悠！每樣食材都慢慢睇，慢慢研究，行足成粒鐘先埋單走人，完全專注喺自己世界，睇得出佢非常享受悠閒生活。
不論揀海鮮、麵、酒，天佑都仔細研究，又彎腰睇，又拎上手摸，爭在未用埋個鼻聞咋！加上超市一樣產品有好多選擇，他似乎揀到頭都大埋，見佢都揀咗好耐，呢樣又覺得好，嗰款又好似幾唔錯。買晒食材又買埋酒，幾乎所有食材都是日本嘢，就連酒都揀日本啤酒，話晒他曾在日本修學半年，又學埋日文，呢日見他連食材都專攻日本嘢，就知他多熱愛日本文化嘞！行咗約一小時，滿載而歸，就等司機來接歸家。
天佑早前推出自創歌《匆匆》，宣傳照用20年前的自己做比較，依然好童顏。
徐天佑買食材專攻日本貨 超市悠行足成粒鐘先埋單走人
天佑2002年與又南組成Shine，不過2019年宣佈分開發展，有傳二人因政見不合拆夥。
同老婆Olive結婚6年，非常恩愛。
天佑行超市行到好似散步咁滋悠。
從天佑買嘢可見佢嘅典型金牛座特質：木訥、滋悠！每樣食材都慢慢睇，慢慢研究，行足成粒鐘先埋單走人，完全專注喺自己世界，睇得出佢非常享受悠閒生活。
揀海鮮問到清清楚楚，最後買咗啲峴。
揀日本麵揀到彎晒腰，好認真。
買到一手一袋，Call司機接返歸。
不論揀海鮮、麵、酒，天佑都仔細研究，又彎腰睇，又拎上手摸，爭在未用埋個鼻聞咋！加上超市一樣產品有好多選擇，他似乎揀到頭都大埋，見佢都揀咗好耐，呢樣又覺得好，嗰款又好似幾唔錯。買晒食材又買埋酒，幾乎所有食材都是日本嘢，就連酒都揀日本啤酒，話晒他曾在日本修學半年，又學埋日文，呢日見他連食材都專攻日本嘢，就知他多熱愛日本文化嘞！行咗約一小時，滿載而歸，就等司機來接歸家。
天佑之前參演劇集《二月廿九》大獲好評，早前亦有拍攝續集《940920》。 買食材好細心揀
天佑早前推出自創歌《匆匆》，宣傳照用20年前的自己做比較，依然好童顏。
徐天佑買食材專攻日本貨 超市悠行足成粒鐘先埋單走人
風車草劇團一連21場的《三聖邨的Little Mermaid》音樂劇場正進行得如火如荼，好評不斷令劇團主腦及一眾演員都喜出望外！
風車草劇團一連21場的《三聖邨的Little Mermaid》音樂劇場正進行得如火如荼，好評不斷
《三聖邨的Little Mermaid》說的是一個關於人魚走進三聖邨融入生活的故事，當中當然會有美人魚的出現，為了營造美人魚出場效果，製作團隊都下了苦功。劇團主腦之一梁祖堯說：「大家明知舞台上嘅美人魚係假嘅，但唔想佢出嚟變咗一個笑位，想佢嘅出現係好神秘又好優美，所以我哋參考咗好多外國做美人魚嘅做法，花咗服裝、化妝、髮型、燈光、錄像、道具等等好多部門嘅心機去做成。」除了美人魚的疑幻似真效果，還有劇中的海鮮檔，亦是「真亦假時假亦真」。
《三聖邨的Little Mermaid》說的是一個關於人魚走進三聖邨融入生活的故事
另一劇團主腦湯駿業AhDee道：「我哋去咗三聖邨做Research，睇下做一個魚檔要有乜嘢設備，要用乜嘢魚缸，氣泵，如果坐高少少嘅觀眾會見到我哋個魚缸係有打到氣入去，會見到波波。」阿祖亦找到一間相熟的海鮮檔，每日留大量貴妃蚌、聖子、扇貝等不同貝殼類的殼，拿回來洗淨焗乾再上色，最後加入拼湊變成了海鮮檔，像真度極高。
台上的海鮮檔像真度極高。
劇中另一受到注目的元素，當然是選曲方面，因為每次都十分到位，阿祖與AhDee都特別鍾情用上黃耀明〈下一站天國〉的那一場戲份，AhDee道：「阿祖寫劇本時已經賦予好多意思擺喺呢一幕，而且我好鍾意呢個畫面，喺排練時個角色好似耶穌降臨，嗰段message同埋戲上面好配合到，有種好荒謬嘅犧牲，同埋台上噴泡泡，又有一種夢幻感，效果非常靚得嚟又好有Cult嘅感覺。」阿祖亦道：「〈下一站天國〉係我好鍾意明哥嘅歌，本身好浪漫，情感好深好廣闊，擺喺演出裡面，唱呢隻歌嘅位，完全代表到嗰一刻角色嘅心態，歌詞裡面一句『請勿回望、請勿善忘』，林夕呢兩句詞實在寫得太靚。好開心用咗呢隻歌，明哥又嚟咗睇，實在好感恩同開心。」
這次《三聖邨的Little Mermaid》的演出已經進入倒數階段，在過去的場次，每位演員都有難忘的蝦碌經歷！其中阿祖道：「有一場假髮枱面跌咗落地下，但Rosa(韋羅莎)出場要拎起個假髮先可以繼續演落去，好在阿君(邵美君)即刻拎起再放好，呢啲真係少啲經驗都唔掂。」
AhDee的蝦碌位卻提昇了劇情的推進，他說：「有一場阿祖要噴血，但係個塞撠住咗，搞到一嘢噴咗落我塊面，其實效果非常之好，但啲血入咗去我嘅眼裡面，副Con染咗紅色。」
在過去的場次，每位演員都有難忘的蝦碌經歷！其中有一場阿祖的假髮由枱面，跌咗落地下。
徐天佑的蝦碌則有苦自己知，他說：「我要著住件長衫喺個箱入面唱歌，起身時發現件衫勾住咗一路起唔到身，後來好在趕得切，但因為我著住拖鞋，箱裡面好多碎石，啲碎石攝住晒喺我拖鞋同腳之間，但我已經要喺個景度周圍行，結果啲碎石攝喺腳趾之間，一路行感覺就似做腳底按摩。」Rosa與阿君最記得卻是戲肉部份！Rosa說：「有一幕要用幕捉條美人魚，但點知捉唔到，我哋仲講笑話咁咪唔使做囉，可以全劇完了？！」阿君續道：「好在條美人魚好勁，佢瞓低大嗌做咗個效果，觀眾可以睇到呢啲蝦碌位最值回票價。」至於胡麗英的一場戲亦遇到小意外，她說：「我同陸盺喺戲中要談心，會載歌載舞，但我得意忘形，成隻腳踢咗落去輪椅，好在大步檻過！」
劇場最講求的，還是演員與觀眾之間的互動。《三聖邨的Little Mermaid》難得做到台上台下同呼同吸，都叫各演員萬分驚喜
劇場最講求的，還是演員與觀眾之間的互動，《三聖邨的Little Mermaid》難得做到台上台下同呼同吸，都叫各演員萬分驚喜，其中Rosa表示：「估唔到觀眾咁醒目，聽得明我哋寫嘅笑位，每個都笑個不停，尤其禮拜二、三啲觀眾向來比較冷靜嘅，都一樣咁High，睇得好開心。」胡麗英亦遇到High爆觀眾，她說：「有觀眾笑到不停喺位大嗌『痴線㗎！真係痴線㗎！』但喺感動位時，又有觀眾攞晒紙巾索晒鼻喊到七彩，好多謝佢哋咁Warm，咁投入去睇呢個故仔，希望大家可以得到佢哋想要嘅慰藉同埋釋放。」阿君亦道：「首演完場嗰陣，觀眾反應好Passive，就懷疑係咪唔鍾意套戲呢？後來問返，原來係佢哋覺得個劇想帶出嘅意思都幾沉重，所以未能立即跳返出嚟，估唔到觀眾同我哋同呼同吸。」
