謹記大掃除迎新春 李丞責教你擺風水擺設催吉避凶

記得大掃除啊～

早前著名玄學家李丞責博士為本報讀者預測虎年整體同12生肖運程，今次就同大家講吓大掃除要點做，仲畀埋風水擺設小貼士助大家催吉避凶！李博士又特別提點虎年不同之處：「老虎最緊要果斷性同坐言起行。」叫大家今年記住呢個座右銘。

李博士話想新一年好運啲，不妨落啲心機大掃除！

李丞責提醒要大掃除迎新春 教你風水擺設催吉避凶

李博士都知都市人未必記得年年要大掃除，不過想有運行就要落啲心機，「大掃除時用柚葉、柏葉、黃皮葉，3種都係辟邪嘅葉。另外香茅、檸檬葉、橄欖葉都有幫助，大掃除之餘，順帶灑吓呢啲葉嘅水，希望淨化重生，將屋內污氣驅除。能夠點吓沉香、檀香，薰吓間屋就更好。」大掃除最好當然係擇日做，但年廿八都係個去除污垢嘅好日子。

李博士話虎年桃花位喺南邊，可擺鮮花等催旺；偏財位就喺正北，可以擺水晶洞等。

中宮位忌擺郁動嘢

虎年要睇姻緣，要留意九紫星在南邊，「南邊不妨插鮮花，一般來說有九紫星都會擺九枝花。亦可擺放鮮色物件或者粉紅晶石，長着一盞燈都可以。」至於偏財位就唔係人人有，不過都可以考慮正北嘅偏財星，可以擺水晶洞等。而正財位就喺東北，李博士提醒要小心處理：「其實可以擺流水擺設，但因為東北位同時都係太歲位，不宜郁動，等於太歲頭上動土，最好擺同太歲相合的條件，如豬形擺設，配合流水就最好，既合太歲又可生財。」而嘈吵或血光之災位在中宮位，家中正中位擺安忍水、青銅器、銅錢等可化解五黃，但切忌擺風扇等郁動嘅嘢，而紅色都會生旺土煞五黃。

虎年正財位撞正太歲位，擺流水擺設同時，擺多樣豬形擺設較好。

虎年血光之災位在中宮位，擺安忍水、青銅器、銅錢等可化解五黃，但切忌擺風扇等郁動嘅嘢。

是非位三碧星到東位，可以放佛經、笑佛、彌勒佛等，令人心曠神怡更寬容。

虎年文昌位在東南，宜放綠色物件，或放富貴竹有助讀書。

著名堪輿學家李丞責及麥玲玲師傅每集坐陣！

全新風水賀年節目《位元堂安宮牛黃丸呈獻：2024風生水起》明晚（29日）首播，首周播映日期及時間為周一（29日）至周三（31日）晚10點半翡翠台。《風生水起》主持陣容鼎盛，除了有開心果及好運代表薛家燕外，還有「東張女神」陳懿德、許文軒及徐文浩，還有著名堪輿學家李丞責及麥玲玲師傅每集坐陣，分別負責走遍香港九龍新界、解構各區風水格局，指點觀眾「龍年行運秘笈」的「區區行大運」，及為藝人嘉賓加強運勢的「龍年開運搵師傅」環節。

《位元堂安宮牛黃丸呈獻：2024風生水起》主持陣容，左起：徐文浩、李丞責、薛家燕、麥玲玲、陳懿德、許文軒

呢個組合，一睇都知會好嘈，家燕姐除外。

家燕姐成日都好好笑容，自然更容易吸好運。

麥玲玲師傅負責「龍年開運搵師傅」環節，每集都有唔同藝人求佢指點迷津。

李丞責師傅負責「區區行大運」，只要睇住佢，每區嘅風水都盡在你哋掌握之中。

本周李丞責師傅將先後走訪元朗、北區、北角及港島南區，找麥玲玲師傅指點迷津的藝人嘉賓則有林盛斌伉儷、何依婷、吳幸美及朱咪咪。明晚首播的第一集，李丞責師傅除了會part住元朗大地主安德尊等，在元朗區大派揮春向街坊送祝福外，還會走訪元朗不同店舖為大小老闆提供龍年生意暢旺貼士。此外，李丞責師傅又會教大家如何深入北區「尋龍」，增強龍年財運，並在「龍王廟」即場傳授龍年拜神妙法，除了會講出今年拜神的兩大好日外，還會教大家拜神必備物件，更只需準備一件就夠。

開心合照

呢三位年青主持得影相嘅時候係比較正路少少，喺節目入面佢哋三個都無厘正經，成日掛住鬥嘴搞笑。

「區區行大運」除咗可以學嘢，仲可以充份感受過年熱鬧氣氛。

李丞責師傅點解要特登去到北區尋龍呢？

「龍年開運搵師傅」，就連主持啲衫都好開運。

阿Bob「四下巴」面相惹圍攻？
至於首集藝人嘉賓林盛斌，與老婆黃乙頤竟攜帶「驗孕棒」向玲玲師傅開門見山追問龍年添丁可能性，嚇得家燕姐不懂如何反應，場面爆笑。談到想龍年添丁原因，阿Bob直言：「五個先好，五福臨門吖嘛！」玲玲師傅聞言亦快人快語指阿Bob由於耳仔「雙珠朝口」，是典型「多仔公」面相；加上老婆面相亦極度旺夫兼有子女運，故二人要龍年添丁絕對如虎添翼。搞笑的是，當玲玲師傅講到下巴面相時，大家竟不約而同圍攻阿Bob的「四下巴」，場面惹笑。到底甚麼是「雙珠朝口」？甚麼面相是旺夫兼子女孝順呢？玲玲師傅還會分享小八卦—為何龍年特別多人追B之謎，萬勿錯過。

家燕姐畀支驗孕棒嚇親，笑咗。

林盛斌伉儷。

睇吓恨再度添丁嘅阿Bob幾咁肉緊。

到底咩係「雙珠朝口」？

黃乙頤又邊方面嘅面相睇到佢旺夫？

龍年家居正財偏財位大公開
除了李丞責及玲玲師傅主持的兩大重頭環節，還有另外三名堪輿學家負責的單元，有元海的「元來家家有天機」、唐碧霞的「龍年帶富碧人來」及黃楚淇的「新春『關』心你」。當中較為有趣的，是黃楚淇的「『關』心你」除會介紹關公及拜關公要訣外，還推介了龍年三大開運外賣，當中一款更是大人細路都喜歡！而碧霞師傅本集則會推介全香港最適合買彩券的投注站，並會開心Share龍年12生肖的開運數字，萬勿錯過。元海師傅則會開心share家居天機，除了教大家找出龍年家居正財位及如何以蔬菜催旺正財位外，還會指出家居偏財位，內容豐富又有趣。

阿Bob下巴成為被圍攻目標。

睇吓大家開心到。

去投注站投注其實都有好多貼士要事先知道架。

到底咩外賣可以開運咁勁？係咪好想知先。