睽違九年推出全新大碟 泳兒心情心態大不同

Vincy指今次這隻大碟是最能夠代表自己的一隻。

睽違九年，泳兒（Vincy）再次推出全新廣東大碟《花開溝渠、葉落冰川》（《Dark Light Of The Soul》），Vincy表示，對她來說大碟講述的是一個蛻變，分別係花、溝渠和海泮，她希望大家能與她一同經歷這三年來的心路歷程。當中《荊棘海》和《溝渠暢泳》對她來說是很重要的歌，因為《溝渠暢泳》是她事業的轉捩點，亦是她轉型的重要時刻，而《荊棘海》則是她轉型後事隔十六年再得到叱咤獎的歌曲，不過其實大碟內每首歌她都很喜歡！

《花開溝渠、葉落冰川》

觀看相關影片按連結：https://youtu.be/lbuUY4s8rYs

相隔九年再推出大確，對比以前出碟，Vincy的心情和心態有很大的不同，出第一、二隻碟的時候，因為還是一個新人，當時的感覺好像夢想成真一樣，但之後出碟並不是不開心，而是有種像要交功課的壓力，「因為嗰個年代出碟係比較普遍少少，即係可能一年會出兩隻碟，其實嗰個創作嘅過程都流水式，有少少趕急、趕功工嘅感覺，其實嗰陣時都係興出大碟，每隻碟都有十隻歌，即係一年要二十隻歌，對比起依家一年可能先出三至五隻歌，嗰陣時我覺得無時間去消化，無時間去感受。」而今次與大碟自己就有好多參與，加入了很多自己的心思和想法，同團隊亦有好多溝通，所以她覺得今次這隻大碟是最能夠代表自己的一隻。

本網記者攝

現今串流平台盛行，加上疫情的關係，Vincy亦認同會少了聽眾選擇買實體碟，但她覺得Fans用合法的方法在網上下載她的歌，對她來說是一個支持，買實體碟則是另一個支持，所以她在創作這隻大碟時都有不同的考量，除了保證歌曲的質素，包裝和照片都花了很多心思，在音樂上亦加了一些間湊，令到所有歌曲更加貫通，由第一個音開始將大家帶進一個旅程中。

Vincy指依家會真係擺好多自己嘅諗法，而唔係人地覺得我係點就去完成咗佢，我係同自己嘅團隊或者公司同事一齊創作出嚟，一齊由零去做起。

Vincy話大碟裏面啲相真係好靚！

Vincy今次同團隊以及公司都擺咗好多心思同資源去做一隻高質素嘅碟。

Vincy在今年首兩個樂壇頒獎禮成績突出，憑《荊棘海》分別在「新城勁爆頒獎禮2021」得到勁爆歌曲及勁爆女歌手，以及在「2021年度叱咤樂壇流行榜頒獎典禮」得到叱吒十大第十位，她對去年的成績很滿意，「因為我覺得我都唔係新入行嘅歌手，某啲獎項對於我嚟講，越唱得耐就好似越遙遠咁樣，咁所以可以有女歌手或者十大嘅獎項對於我嚟講係好大嘅肯定。」

Vincy憑《荊棘海》在「新城勁爆頒獎禮2021」得到勁爆歌曲及勁爆女歌手。

之後再在「2021年度叱咤樂壇流行榜頒獎典禮」得到叱吒十大第十位。

對於今年的獎項，Vincy直言有種苦盡甘來的感覺，因為她本身並不是個計較交出多少就要獲得多少的人，亦不會想要怎樣得到大回幸，「但係上台拎嗰一刻係真係......呢16年做咗咁多咁多嘢，有啲係大家見唔到嘅，有啲行錯咗路嘅，咁到依家終於好似搵啱咗自己嘅方向，我真係覺得好似有一種苦盡甘來嘅感覺......我都會留意網上嘅評語，都見到有啲網民係希望我可以有一啲肯定，咁我真係做得到啦，覺得係同佢地一齊開心。」

相隔16年再攞叱，Vincy直言有種苦盡甘來的感覺。

來到新一年，Vincy在音樂上對自己的要求會更高，之後亦會開展新的音樂計劃，疫情過後都想開簽名會或音樂會和Fans見面。她亦希於有機會去嘗試不同的事，「其實我都唔介意有膽識嘅導演可以搵我去試吓做戲嘅......我想做啲大家覺得泳兒係唔一樣，即係可能做反派、精神分裂，或者變態嘅一啲角色，我甚至想試下做主持添，唔知啊，樣樣都可以試下。」

本網記者攝

本網記者攝

Makeup: Cyrus Lee
Hair: Zivyeunghair@leonardo3
Outfits: Market Liberty
Venue: PHENOMENON WINE • DINE

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照