張繼聰投籃輸畀姜濤 即做65下掌上壓做找數

勁。

MIRROR成員姜濤﹑呂爵安（Edan）、陳卓賢（Ian）和邱士縉（Stanley），近日孖張繼聰一齊忙於拍攝ViuTV新劇《季前賽》。昨晚（13日）姜濤和張繼聰分別在IG貼出拍攝花絮片段，姜濤寫道：「男人之間的 #投籃對決」。

姜濤同張繼聰投籃對決。

片中見眾人在室內籃球場，張繼聰表示：「我輸咗畀比姜濤。」其後張繼聰更與導演袁劍偉被罰做65下掌上壓。百厭仔姜濤在旁不停大笑，其間Stanley更向姜濤笑說：「你好唔好意思呀？叫晒所有前輩同你喺度做掌上壓。」姜濤則讚立即找數的張繼聰是「真男人」，而謝安琪留言亦讚老公：「體能幾好！」

張繼聰輸咗，姜濤笑得好奸呀！

張繼聰亦有留言笑指：「我一合埋眼，就睇到你做百幾二百下掌上壓不斷尖叫嗰個樣，好真實....應該好快會成真，拍完呢套劇，你胸肌一定好澎湃。」相當搞笑。

張繼聰同導演袁劍偉一齊被罰，Stanley忍唔住問姜濤好唔好意思？

而張繼聰亦有在IG貼上相同的短片，並寫道：「唔俾小小甜頭你，點𠱁你入局吖？放心，你會還返畀我 #100吓pushup #等緊你 #搵個藉口做掌上壓啫。」更轉發姜濤的片段表示：「終有一日，你會還返…..」網民都表示拭目以待。

張繼聰做找數真男人，謝安琪都讚老公體能幾好。

張繼聰投籃對決輸畀姜濤 即做65下掌上壓做找數真男人

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！