Eric Kwok郭偉亮早前推出新歌《等埋你》，旋律優美甜美但歌詞「死死聲」，就連Eric本人都怕唱得多會影響運勢，特意找七仙羽師傅指點迷津。Eric擔心歌詞中「是籌備同一婚禮 或預備同一喪禮/以後都一齊 化做兩隻鬼」不吉利，怕唱得多會突然心臟病發，師傅冷靜答：「我唔擔心你會死，睇你隻耳都好長，冇咁快死嘅。」
Eric Kwok搵七師傅指點迷津。
《等埋你》MV畫面是由Eric與老婆Grace葉佩雯遊日片段組成，師傅一見到Grace就說：「咁後生嘅，夠秤未呀？」提到老婆，Eric擔心自己比老婆早死，剩下對方會很痛苦，師傅妙回：「你老婆咁靚一定有人要，會唔會幫佢提前搵定個男人先呀？退一步海闊天空嘛，搵定先可以了咗件心事嘛！」Eric再問：「怕成日唱唔吉利，可能本身80歲，一唱完下年就⋯⋯」，師傅一本正經說：「要同大家普及一下，生命嘅長短唔係在乎活咗幾長時間，有啲人行屍走肉，拖拉到八、九十歲又有咩意思呢？你人生咁精采，留低咁多作品，又咁靚仔咩都見識過，咁先係有意義嘛！」
Eric怕新歌成日唱唔吉利，會死先過老婆。
談完自身運程，Eric向師傅請教環球唱片何時會與商台破冰？七師傅笑說：「佢哋鬧交梗係假㗎啦，私底下不知幾friend，我都同佢哋食過飯。」她又指點Eric：「商台CEO好靚女，你要去擦佢鞋嘛！」Eric立即刻反問：「即係我代環球去破冰？」師傅再反問：「破冰啫有乜咁大不了？」
七師傅教Eric Kwok着性感啲去見高層，代環球與商台破冰。
師傅繼續教路，說：「你去佢屋企敲下門，着得性感啲，一絲不掛都冇問題，百無禁忌！你話『今日嚟幫你破啲嘢』，你幫佢破先，因為你依家要商台播你隻歌嘛！最緊要目標清楚，擒賊先擒王！」她更說：「你入到去我保證商台一定播你啲歌，佢唔播我幫搞埋其他人，我會搞少爺占、再搞Donald，搞埋森美再搞小儀，入面啲DJ我逐個搞！」連番妙問妙答令Eric捧腹大笑。
郭偉亮新歌邪門怕死先過老婆，七師傅妙回先幫手搵定男人。
Eric Kwok同XiX玩遊戲好落力！
由森美、馮盈盈、陳若思及倪嘉雯主持的問答遊戲節目《OneDegree家居保險呈獻：HOME即是識》，逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！
陳若思（左起）、森美、馮盈盈擔任主持。
Crystal（左起）、Vici、Kiele同埋Eric Kwok擔任嘉賓。
今（5日）、明（6日）晚是第六輪初賽，藝人隊是Eric Kwok+良玳瑩Crystal＠XiX與莊殷玥Vici＠XiX +鄧曉殷Kiele＠XiX，素人隊則有Jessica+Tammy、柏遨+Cathy、Tracy+Ricky和Michelle+Gary。Eric Kwok透露早年在美國生活，閒時會幫媽媽打理花園，他說：「11、2歲就要喺花園掘泥，自己駁水管、鋪草，最大鑊係要隊冧田鼠！」Eric Kwok再傳授「恤衫不皺」大法，他說：「係我Daddy教我嘅，唔想着恤衫皺，就要將成件恤衫攝喺底褲入面，穿過條底褲！」人仔細細的Crystal、Vici和Kiele自認有幫屋企做家務，Vici大大聲說：「有做過幾次囉！」笑到大家碌地！
Michelle（左）+Gary
柏遨（左）+Cathy
Jessica（左）+Tammy
Tracy（左）+Ricky
遊戲環節繼續搞笑，第一輪選擇題已經火花四濺，森美和Eric Kwok為了一條關於女性健康的問題拗到爭持不下，激到Eric Kwok大拋金句回敬森美：「你唔可以judge the person by the book！」另邊廂，鬼馬的Kiele和Vici多番出貓偷睇Eric Kwok答案，最終被Eric Kwok實名舉報，場面搞笑。之後的動作題同樣好玩，Eric Kwok和Crystal要合力鬥快打開拉環斷了的汽水，Eric Kwok拿着一卷保鮮紙死鋤爛鋤都打不開，相反Crystal單靠一張紙便輕鬆解決，搶盡風頭！最終的動作題揭示了Wasabi加入砂糖會變得更辣，輸掉遊戲的Eric Kwok接受大懲罰要吃下加了砂糖的Wasabi，Eric Kwok不單食到面都青埋，額頭更青筋暴現，他說：「辣咗20至30%！」認真誇張。
Eric Kwok傳授「恤衫不皺」大法，就係將恤衫攝入底褲入面，勁搞笑。
睇呢張相就知氣氛有幾咁熱鬧。
Eric Kwok拍住Crystal玩遊戲。
Kiele 、Vici被踢爆出貓𥄫答案。
大家玩遊戲好落力。
Eric Kwok好暴力咁款，Crystal淡淡定有錢剩。
終極回合搶答題戰況激烈，Eric Kwok極速答中一條關於電視螢幕的問題，森美笑言：「你對啲AV產品比較熟，唔係淨係AV！」Eric Kwok即怕醜仔上身耍手否認，森美即揶揄他：「你杯弓蛇影做咩啫，此地無銀三百兩！」另邊廂，身為醫生的Cathy則憑住專業知識瘋狂答中問題，表現精靈的Vici則頻頻「跳掣」撞中答案，想知道哪一隊最終殺入決賽？密切留意《HOME即是識》。
Eric Kwok食加辣Wasabi搞到青筋暴現。
森美同Eric Kwok係咁鬥嘴。
Eric Kwok爆出金句。
Eric Kwok被笑指對AV產品好熟悉。
Cathy後勁凌厲。
