*

薛家燕全數支薪成為良心僱主 黃宗澤疫情下餐廳損失慘重

疫情衝擊各行各業受到嚴重影響。

第5波疫情未見頂,大部份藝人冇工開,就算經營副業嘅藝人生意都失守,雪上加霜,叫苦連天。經營蠔吧餐廳已經3年嘅黃宗澤(Bosco) 索性由上月21日開始停業到3月7日,損失過百萬;至於家燕媽媽藝術中心為咗學員安全都停咗實體課,不過家燕姐係良心僱主,仍全數支薪畀員工,暫時損失6位數字,家燕姐嘆咗一口氣說:「慶幸校址係自己物業唔使傷到入肉。」

頭條獨家丨黃宗澤蠔吧餐廳損失過百萬 疫情下生意難做家燕姐狂呻

有啲損失 疫情下黃宗澤都有損失。

頭條獨家丨黃宗澤蠔吧餐廳損失過百萬 疫情下生意難做家燕姐狂呻

培育人才 家燕媽媽藝術中心培育唔少人才。

黃宗澤經營的蠔吧餐廳之前因為有員工家屬中招,諗住關門7日大消毒求安心,但眼見疫情愈加嚴重,就算只做外賣,員工返工都有危險,臨時決定再關門多一星期,他用輕鬆語調無奈笑住說:「裁員就冇,希望業主可減租頂住先,𠵱家都冇辦法,佢哋扣吓假先,唔係點呀!不過,我啲員工真係好好呀,佢哋主動提出話『7日你(老闆)嘅,7日No Pay Leave。』等個疫情緩和再睇吓有乜可以諗,暫時冇嘢諗到。」

- 閱讀更多 -

往下看更多文章