姚子羚同吳卓羲太老友拍感情戲好辛苦 蔡思貝拍動作戲感挫敗

思貝在劇中多次請Ron食檸檬。

姚子羚與吳卓羲（Ron）對上一次合作是2005年的《酒店風雲》，加上兩人本身老友鬼鬼，所以今次在TVB熱播中的《飛虎3壯志英雄》再次合作，一點都不陌生。

姚子羚話Ron仍是大細路冇乜點變。

子羚接受娛樂新聞台的《StarTalk》訪問時說：「佢都冇乜點改變，當然有成熟咗啦，但佢都係大細路，好鍾意整古造怪同萬歲請大家食飯，同佢再合作有一份默契同開心。」子羚又笑言因為與Ron太老友關係，故拍感情戲時其實很辛苦。

子羚對劇中綁架戲最難忘。

子羚則對綁架戲最難忘，談到Ron在劇中英雄救美，她說：「子樂（吳卓羲飾演角色）喺套劇入面係正嘅！」

思貝最難忘商場槍戰場口。

另談到與郭晉安繼《與敵同行》後再續兄妹情，子羚笑言：「隔咗咁多年之後，我見到佢都係叫阿哥，到依家再合作番，變得更加親切，真係好似我哥哥咁。」

思貝在劇中多次請Ron食檸檬。

至於蔡思貝談到劇中多次請Ron食檸檬，她笑言其實有苦衷：「因為呢個女仔非常冇安全感，覺得Ron個角色吊兒郎噹，要經過好多考驗先覺得依賴得過，最後先接受佢。」

吳卓羲英雄救美。

思貝則笑言拍槍戰拍到慣晒：「我自己就算戴咗耳塞，啲響聲都係好入耳，會 Feel 到耳膜有震動。」對思貝來說，最難忘是商場槍戰場口：「因為喺室內，個回音好犀利，耳仔真係嗡嗡聲，仲要個個四方八面咁開槍！」

身為「視后」的思貝則坦言拍攝動作場面讓她感到挫敗：「佢哋要求我做得乾淨俐落，但我每日都覺得好慚愧，覺得自己做得唔好、做唔到。」不過由於有很好的拍攝團隊 Back Up，令思貝留下不少難忘拍攝回憶：「好似商場場戲，要短跑100米衝過去，之後要打筋斗，再起番身對住上面射槍，個攝影師係揸住部攝影機陪我跑，好好玩成件事，好似打機咁！」

飛虎3｜姚子羚同吳卓羲演感情戲嗌辛苦 蔡思貝拍動作戲感挫敗

姚子羚展示一鏡到底晒層次式喊功！

由張達明監製、林子聰任總導演、林子聰及韓辰辰任編審的《狀王之王》，本周一至四晚九點半翡翠台播映結局篇。19日一集劇情講到阿九（金剛飾）向小鳳（王子涵飾）表白成功，惟兩人確立關係後，小鳳卻遭逢不幸，外出買夜宵期間慘遭迷暈兼被強暴，眼見心愛的女人慘遭辣手摧花，阿九失控爆喊！另邊廂，宋世傑（王浩信飾）獲邀出任英國使節阿德里安（迪瑪飾）名譽侵損案訟師，小鳳憑着紋身認出該名英國使節正是強暴她的男子！由於案件牽涉到國家層面，世傑有感接不接相關官司均是死路一條，陷入兩難的他最終決定休了玲瓏（姚子羚飾），並接受使節委託……

玲瓏同世傑究竟可唔可以行落去呢？

小鳳同阿九確定關係冇耐就遭逢不幸，小鳳慘遭辣手摧花！

小鳳同阿九確定關係冇耐就遭逢不幸，小鳳慘遭辣手摧花！

小鳳好可憐。

昨晚一集劇情緊湊，其中一幕講到玲瓏獲悉強暴小鳳的真兇是英國使節時，即時激動爆喊說：「我要殺咗佢！」知道事關重大的世傑即跳出來勸她冷靜，怎料情緒失控的玲瓏狠狠地將他推向門；之後喝醉的世傑對著玲瓏大拋狠話兼嚷著要離婚：「我上一世唔知做錯啲咩，要娶着個咁蠢嘅老婆，我頂唔順喇，唔想再頂！」玲瓏聽罷先是忍淚怒摑宋世傑，之後再嚎啕大哭，大晒層次式喊功，演出相當搶戲。

小鳳認出阿德里安就係強暴佢嘅兇手！

玲瓏即時失控話要殺咗阿德里安幫小鳳報仇。

子羚就係呢吓差啲整爛咗佈景！

好彩宋世傑最後都阻止到玲瓏。

最後陷入兩難嘅世傑決定同玲瓏離婚。

玲瓏先係忍淚怒摑世傑。

再衝出門口放聲大哭，呢場戲以一鏡到底手法拍攝，令子羚晒層次式喊功時更見揮灑自如。

世傑其實都好唔捨得同玲瓏離婚。

林子聰預告結局周大派洋蔥

另王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問，身為導演的子聰透露劇情去到最後一周將越來越多洋蔥。談到子羚情緒失控場口，浩信爆料指子羚差啲撞爛佈景：「嗰場戲我叫子羚盡情嚟啦，因為我都做開Gym，諗住頂得住啦，點知佢一火起上嚟將我成個人推向道門，我都嚇咗一嚇，當刻佢嘅情緒好高漲，冇理由嗌Cut㗎嘛，拍完之後我話：『你好勁喎，我後面道門差啲畀你拆咗！』」之後再提到世傑休妻場口，子羚一氣呵成爆喊戲十分搶焦，原來子聰導演為了達到最佳效果，刻意安排一鏡到底拍攝手法，子羚坦言該場戲難度很高：「最大難度係喺間屋入面唔可以喊，但一出咗道門就要爆喊，好開心可以畀我一Shot落做到呢件事，唔會斷咗嗰刻嘅情緒，因為谷住谷住好辛苦，反而爆咗出嚟係最正！」

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。

王浩信、姚子羚、陳楨怡和林子聰接受無綫娛樂新聞台《Star Talk》主持王鎮泉訪問。