《940920》今日首播！
ViuTV原創劇《940920》今日（7日）首播，未出街已成為大家追捧熱話，男女主角劉俊謙（Terrance）、蔡思韵（Cecilia）為滿足觀眾及粉絲要求，來個輕鬆有趣「快問快答」，更透露情侶檔拍劇的小秘密。
玩快問快答。
二人透露劇名《940920》是普通話「就是你 就愛你」的意思，講到此劇是徹徹底底的穿越劇，兩人信不信穿越時空？Terrance不諱言半信半疑，但Cecilia就表情盞鬼地說：「信！不信如何演這齣戲？」兩人話題中除了環繞角色及演出感受，連ViuTV老闆魯庭暉也被拉落水。被問魯庭暉適合演甚麼角色？Terrance笑言：「魯暉（魯庭暉）已經超越了人類，人類的角色是低估了他。我覺得他會經常吃東西。我有另一個角色建議，他可以飾演月亮，因為這齣劇沒有天神角色，望着他會帶來希望。」
賣關子劇中唔係情侶關係。
身為情侶的兩人已是第三次合作，異口同聲表示愈來愈有默契。至於是否有拗撬？兩人又夾晒嘴型說：「都不算有拗撬、意見不合，只是意見分歧交流。」鬼馬的Terrance慢半秒的跟着Ceci的語氣回答，逗得另一半好氣又好笑，一於出手「抦兩嘢」回敬。
意見不合仲可以抦兩嘢。
拍拖時拍拖、工作時工作，兩人工作時也不時互動，給對方提意見，同時增值，Terrance表示曾在一次演出的樽頸位，得到Ceci的寶貴意見，當刻像當頭棒喝的給自己解開困擾。亦師亦友的兩人這邊廂坦言一齊合作確實令感情昇華，但那邊廂卻又幽默的笑說：「當然啦！唔通喺鏡頭前話唔係咩？」
劉俊謙蔡思韵三度情侶檔合作 愈拗愈有默契
劉俊謙亦表示幾欣賞雲浩影，更大讚：「佢把聲有種清泉嘅感覺，當時歌唱比賽聽已經覺得呢個女仔係清泉。」
雲浩影（Cloud）新歌《慢性分手》MV由去年金像獎最佳剪接李謙明執導，更邀請港台兩地炙手可熱的劉俊謙擔任男主角，故事以一張梳化見證他們由熱戀到分手。最初他們開展同居生活，合力將梳化搬入屋，非常合拍，劉俊謙躺在Cloud大髀上的枕頭溫馨細語、拖手仔一齊聽音樂、在露台打情罵俏、互相偷拍對方生活照等，四周瀰漫著浪漫氣氛。之後感情轉淡，甚至決定分手，火燒梳化以結束關係，他們看著愛情灰飛煙滅，Cloud心痛得泣不成聲。
雲浩影新歌《慢性分手》MV邀請港台兩地炙手可熱的劉俊謙擔任男主角。
故事以一張梳化見證他們由熱戀到分手。
劉俊謙躺在Cloud大髀上的枕頭溫馨細語。
互相偷拍對方
之後感情轉淡，決定分手，火燒梳化以結束關係。
他們合力將象徵愛情的梳化搬走，路上明顯非常不協調，一個快一個慢，一個行一個停，甚至輪流發脾氣。但最後看著火光，愛情化為灰燼，他們都非常傷心。劉俊謙說：「呢對情侶要結束關係，梳化似係一個比喻，將大家嘅東西拖去燒咗佢，一齊搬，好辛苦、好吃力，有一方繼續想搬，有一方好攰唔想搬，拖拖拉拉，比喻情侶難免步入呢個關係。」Cloud說：「梳化喺呢個MV好有象徵意義嘅角色，兩個人搬入新居時傾吓張梳化擺喺邊，然後喺梳化上發生好多甜蜜溫馨嘅回憶，到最尾決定用唔到要丟咗佢，都象徵一段關係唔同嘅階段。搬梳化嘅過程會見到男女雙方步伐不一致、鬥氣、互相不體諒等狀況。」
二人合力將象徵愛情的梳化搬走，路上明顯非常不協調。
最後看著火光，愛情化為灰燼。
Cloud更心痛得泣不成聲。
Cloud更心痛得泣不成聲。
二人都非常傷心。
雖然MV結局非常傷感，但Cloud被型男劉俊謙的笑話氹得笑逐顏開，她說：「《慢性分手》呢首歌講述一對長期戀愛嘅男女，關係慢慢走到結束，比較傷感嘅MV，但因為有劉俊謙參與就變得唔係咁傷感。」點解呢？劉俊謙笑說：「本身我同Cloud唔係好熟，拍攝時諗住打開話匣子，講咗好多唔係幾好笑嘅笑話⋯⋯」Cloud立即安慰說：「其實都幾好笑嘅，大家都笑得出，同事仲叫我做好表情管理添！」續說：「阿謙好Nice好親切，最初我有少少緊張同埋怕羞，但佢好主動令到氣氛都冇咁尷尬，所以拍攝順利。」
雖然MV結局非常傷感，但Cloud被劉俊謙的笑話氹得笑逐顏開。
Cloud又大讚劉俊謙好Nice好親切。
令Cloud最開心的相信是劉俊謙踢爆父母是「迷雲黨」（Cloud歌迷暱稱），他說：「我爸爸媽媽好鍾意佢，當年歌唱比賽嘅時候，我哋全家人一齊睇佢唱歌。」Cloud受寵若驚，連聲多謝。他說：「我好耐冇喺香港拍MV，好榮幸可以參與拍攝，我自己都幾欣賞Cloud，佢把聲有種清泉嘅感覺，當時歌唱比賽聽已經覺得呢個女仔係清泉。」被當面稱讚，Cloud坦言尷尬。「劉俊謙好紳士、好體貼、好靚仔，拍攝時我都忍唔住同佢講：你真係好靚仔！不過，大家有無留意其實佢把聲好好聽呀！」
劉俊謙踢爆父母是「迷雲黨」。
劉俊謙指當年Cloud參加歌唱比賽時，全家人都一齊睇。
之前Cloud《回憶半分鐘》MV邀請日本靚仔合作，今次《慢性分手》MV有香港靚仔劉俊謙，下次Cloud想與哪個地方的靚仔合作MV呢？她想了一想，說：「法國，其實想同法國靚仔合作之外，最想去法國拍好浪漫嘅MV，話唔定會有啲犀利嘅嘢出現。」
觀看相關影片按連結：https://youtu.be/VHt8upfvSQ8?si=hzOokDVxFyLbou2W
