同楊茜堯拍激情戲轉足8個圈 張智霖自言要過心理關口

張智霖笑指該場戲是「 湯馬斯回旋8個圈」。

《家族榮耀》下周進入結局周，劇情繼續高潮迭起，大家期待已久的張智霖與楊茜堯激情親熱場口亦於昨晚（8日）一集尾段播出，飲至酩酊大醉的甄芯與Marco肉緊熱吻之餘，更急不及待除去對方及自己身上衣服；為了表達二人的熾熱感，兩位主角更由門口一直打轉至入房，單在鏡頭前已足足轉了8個圈。

呢場兩大主角嘅激吻戲。

其實之前喺網絡播出嘅時候已經引起好大迴響。

留意番，佢哋因為係咁轉係咁轉，轉到撞跌咗其中一幅掛喺牆嘅畫，證明轉得幾咁激烈。

佢哋由玄關轉到去廳再轉去房門口。

呢張相好重要，楊茜堯秀髮嘅飛揚程度話咗畀我哋知個圈個旋轉性有幾強。

張智霖轉到某一個點要再轉入房嘅時候，可能佢都轉到對腳有啲攰，所以要用手借一借力。

到底呢個親熱場口係咪真係可以成為經典呢？

對此，張智霖早前接受無綫娛樂新聞台訪問時，笑指該場戲是「 湯馬斯回旋8個圈」，即遭黃浩然取笑謂：「繼巴黎鐵塔（《家有囍事》經典場口）之後，呢個都可能成為經典！」張智霖事後感嘆拍攝如此激烈場口、其實需要克服心理關口：「始終自己（年紀）唔細，廿幾三十歲做呢啲理所當然，但人愈大就好似唔應該太親熱。其實拍之前有好多唔同方案，最後都係揀咗要激啲，所以就諗反正都係喇，咁不如去盡啲啦。」身旁的羅子溢聞言即講笑謂：「我同李彩華嗰啲係愛意式嚟嘅，我哋嗰啲獸性係擺喺心裏面！」

觀看相關影片按連結：https://youtu.be/EubR2waEHlI

觀看相關影片按連結：https://youtu.be/6C6WrNu3X90?t=436

此外，艾威昨晚（8日）亦繼續有精彩演出，懷疑甄芯（楊茜堯飾）害死阿Joe（黃浩然飾）的啟禮，為保護愛女Chloe（李彩華飾）免受傷害，遂挺身約甄芯見面企圖指證對方；雖然啟禮自覺證據確鑿，但甄芯卻全程表現不慌不忙，更以「日本飲食禮儀」氣定神閒地著啟禮要識分「高低上下」、暗喻對方知難而退，成功以新陰招擊退敵方，整個場口戲味甚濃。

艾威同楊茜堯呢場戲都好有睇頭，原本艾威自以為佔盡上風。

不過對手係Big Boss，又點會咁易畀你拋到吖。

連食個日本菜都可以話中有話。

甄芯有幾高Level大家都明晒。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。