梁靖琪情緒崩潰戲獲讚好 胡卓希演情深富二代成功入屋

下周邁向結局周的《家族榮耀》，昨晚（11日）講述Chelsea（梁靖琪飾）幾經掙扎才決定接受並嫁給龍文標（胡卓希飾）、企圖拯救馬家，但被復仇心切的Marco（張智霖飾）將其不雅視頻曝光，令Chelsea精神受壓力；期間龍少主動求見，對Chelsea百般安撫之餘並強調自己不介意，可惜自尊心強的Chelsea還是決定解除婚約，並拒絕與龍少見面。

龍少有錢又靚仔仲夠深情，網民大讚嫁得過。

梁靖琪感謝大家的讚賞，並表示角色與現實中的自己有點相似。

Chelsea不雅視頻被公開。

張智霖因此被網民臭罵「乞人憎」、「好衰格」！胡卓希則因龍文標深情Image成功搶灘，獲讚「又有錢又靚仔」、「好有型」、「有情有義」、「真係嫁得過」，更有網民指胡卓希樣子酷似台灣藝人陳柏霖。獲網民大讚演技有進步，喊戲有層次的梁靖琪，感謝大家的讚賞，並表示角色與現實中的自己有點相似，同樣渴望得到父親的認同，貴為前TVB高層梁家樹的女兒，梁靖琪直言曾經對此感到壓力，但隨着歲月洗禮，她亦學懂放鬆，加上近年她在朋友口中，得悉父親更讚她有進步，令她倍感鬆一口氣。

Marco為報仇沖昏頭腦。

Sammie煽動Marco時個樣既情真意切又肉緊。

據知，龍文標下周將再有「代表作」，就在Chelsea最徬徨失措之時，龍文彪不但Man爆地代Chelsea出頭，更攬上身指自己是不雅視頻男主角。另結局周一開始，兩大Big Boss甄芯Sammie（楊茜堯飾）及Marco將聯手對付馬家，為達到目的，Sammie更主動引誘Marco上床，激情程度不輸轉足8個圈的熱吻戲肉。

二人下周更會有唔止一場床戲。

梁靖琪情緒崩潰戲獲讚好 胡卓希演情深富二代成功入屋

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。