煎Pan同前世情人玩得咁開心，單文柔會唔會呷醋？
陳展鵬(煎Pan)、單文柔(Phoebe)婚後生活甜蜜，育有一女。女兒陳諾瑤(小豬比)更是可愛懂事，不時哄得爸媽十分開心。
陳展鵬一家三口和樂融融。
昨天（3月14日）白色情人節，煎Pan在社交網分享和小豬比玩煮飯仔的影片。片中煎Pan抱住公仔，小豬比就捧住玩具蛋糕，對住爸爸唱生日歌！雖然不是真的生日，煎Pan仍然聽得一面陶醉！不過，小豬比唱歌期間不小心將玩具蛋糕掉了落地，然後拾起繼續給爸爸吃，十分搞笑！
煎Pan 白色情人節跟前世情人小豬比玩煮飯仔。
小豬比獻唱生日，煎Pan聽得幾冧！
煎Pan留言道︰「今日係白色情人節又好，爸爸生日都好抑或媽媽生日都好！多咗個成員就自然多咗慶祝嘅日子，如果再多幾個成員咪隨時個個月都要慶祝？咁就要更有熱情工作，籌備將來嘅快樂！」似是暗示有意再生小朋友。好友陳敏之見狀亦留言催促！
靚媽Phoebe則利用社交平台程式，將小豬比化成卡通人物「小丸子」。短片中的小豬比蹦蹦跳跳，唱著「小丸子的心事」走向媽媽，令她感到十分窩心！Phoebe還說「小丸子」是她的童年回憶，小豬比肯跟她學唱主題曲，相當有品味！
Phoebe利用社交平台程式，將小豬比變成「小丸子」。
今集嘉賓陣容有熱播劇《逆天奇案2》演員組成的「逆天奇案2」隊，對戰「朱隊友」隊
特備節目《鄰住買特約：獎門人Hug Hug媽咪感謝祭》周日晚（21日）8點半翡翠台播映，今集主持陣容有「獎門人」曾志偉、「獎老」錢嘉樂、阮兆祥、麥美恩、林秀怡和林正峰。今集嘉賓陣容有熱播劇《逆天奇案2》演員組成的「逆天奇案2」隊，成員包括陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。
Super～
今集節目優惠多多，除有大量感謝祭貨品於晚上9點半節目播出後在網購平台「鄰住買」開售外，觀眾於收看節目期間只要嘟一嘟螢幕上的QR Code，便有機會搶到999.9足金玫瑰花和5.8萬封現金利是！此外，獎門人宣布下一集是本季《獎門人》最後一集，只要掃螢幕上的QR Code並完成指定任務，便有機會贏取下集《獎門人》入場券，總數共200張。
方力申（左起）、張頴康、梁小冰、劉佩玥、陳展鵬、林夏薇、馮盈盈、高鈞賢
陳煒（左起）、梁競徽、郭政鴻、朱咪咪、袁偉豪、范振鋒、張振朗
久未亮相遊戲節目的咪咪姐玩得相當落力，在首個遊戲「開心無敵啜乒乓」中，除獲優待可以慢慢啜，還被展鵬點名對決啜乒乓，咪咪姐輸人唔輸陣豪言：「你夠膽就啜走個波！」她又命令展鵬唔准擘大口，自己再慢慢啜走乒乓波，場面搞笑。「開心無敵傳紫菜」同樣笑爆肚，咪咪姐先被兩大小生袁偉豪和張振朗夾擊傳紫菜，咪咪姐即時怕醜妹上身眼都唔敢擘大！之後獎門人再安排咪咪姐一人VS「逆天2」男子組，《逆天2》總監製劉家豪亦有落場玩埋一份，家豪哥一馬當先捉實咪咪姐傳紫菜，之後四大型男方力申、張頴康、高鈞賢和陳展鵬肉緊捉住咪咪姐輪住啜，引爆全場氣氛！
劉家豪（右2）落力宣傳新劇。
梁小冰
陳煒
劉佩玥
盈盈都好進擊吓。
朱咪咪慢慢啜。
朱咪咪霸氣十足。
小方vs陳煒都好有睇頭。
咪咪姐被袁偉豪同張振朗夾擊。
咪咪姐被袁偉豪同張振朗夾擊。
家豪哥啜埋一份。
咪咪姐被咁多位型男輪住啜。
「開心無敵落大閘」中，展鵬和薇薇組成最強視帝視后組合，兩人玩遊戲時默契十足，除了多番神同步，展鵬還鬼馬地扮「色狼」撲向薇薇；薇薇則跪地、趴地完全零介意，相當玩得。之後「開心無敵私人醒」更成為兩隊隔空罵戰戰場！其中一條題目「講咗畀人掌嘴嘅說話」，煒哥先是寸爆小冰：「收檔啦！」小冰唔執輸反擊：「做極都唔紅呀你！」之後戰火蔓延到盈盈和唯唯身上，盈盈寸爆近年在內地帶貨的唯唯：「你賣嘢全部畀人退貨，零營業額呀！」唯唯不甘視弱「回敬」：「你套套劇擔正但全部仆直冇收視，除咗《逆天2》！」笑爆全場。另一條題目是「講出三級片名稱」，眾人發揮小宇宙創作出多個搞笑啜核戲名，包括「警花警棍有景轟」、「戰車戰神戰銷魂」等，想知道還有甚麼搞笑創作，密切留意周日晚播出的《獎門人Hug Hug媽咪感謝祭》。
小冰同陳煒好有火花。
唯唯（左2）個樣好肉緊。
盈盈激動到企起身。
氣氛好歡樂。
薇薇同展鵬神同步。
展鵬扮色狼。
薇薇玩到瞓地。
