Skip to Content Facebook Feature Image

隨時瞓得靠拉筋 肥仔遭193質疑冇着內褲即騷白滑美腿

娛圈事

隨時瞓得靠拉筋 肥仔遭193質疑冇着內褲即騷白滑美腿
娛圈事

娛圈事

隨時瞓得靠拉筋 肥仔遭193質疑冇着內褲即騷白滑美腿

2022年03月30日 10:36 最後更新:10:37

大家睡開着嘅話都可以試下拉筋~

ERROR成員肥仔(梁業)和193(郭嘉駿)前晚(28日)透過視像現身ViuTV節目《今日疫情》擔任嘉賓 ,出名可以「一秒入睡」的肥仔,不時被合作夥伴偷拍工作休息期間瞓覺的黑圖,肥仔笑言請大家不要再垂涎他的美色,又分享入睡錦囊:「我覺得係拉筋,如果瞓得唔好,因為肌肉繃緊,平時伸懶腰拉筋,仲有『大字馬』,就會好好多。」193即笑言懷疑肥仔下身只穿內褲,甚至冇着任何褲,肥仔立即踢腿示範拉筋動作,大晒其白滑美腿,表情輕鬆。

193懷疑肥仔冇着內褲,肥仔即踢腿,好高呀!

193懷疑肥仔冇着內褲,肥仔即踢腿,好高呀!

肥仔真係幾時都瞓得到。

肥仔真係幾時都瞓得到。

近日有位做家電維修的劉師傅在節目分享,表示上門服務時,被客兜頭噴到全面酒精。對此193表示如咖啡店遇到類似的食客,便會好像奧斯卡金像影帝韋史密夫(Will Smith)掌摑基斯洛克(Chris Rock)一樣:「會一冚,冚咗佢出餐廳門口。」他更表示大家應該互相尊重,事先問過他批准才做會比較好。

193指咖啡店的裝修已經搞得七七八八。

193指咖啡店的裝修已經搞得七七八八。

另外,又問到193咖啡店的裝修進度如何?他說:「依家裝修都叫做搞得七七八八,但仲有啲delay,因為之前有啲嘢未運到香港,依家經船運過嚟,但都未check到喺邊,依家牆及燈都搞晒,係爭啲枱凳未有,我為咗掙埋呢筆錢,於是諗番應該搞『立食』,企喺度食嘢嘅Cafe。」

講起咖啡店,193就以搞笑形式趕客。

講起咖啡店,193就以搞笑形式趕客。

193繼續以趕客形式笑說:「有冇疫情都係咁諗,總之最細嘅枱最細嘅凳,令到大家食得好唔舒服,食完即刻走,唔好阻住啲位,因為我間Cafe好多人嚟排隊,大家唔好掗住啲位,我希望大家、呼籲大家如果嚟嘅話,食10分鐘內即刻好走,唔該晒。」

往下看更多文章

193拍攝新歌MV太投入 不慎捏傷女主角吳海昕隻手:估唔到瘀到好似家暴

2024年03月26日 23:45 最後更新:04:31

不過193表示Sofiee要自求多福,因為劇組未能夠讓她索償醫藥費!

郭嘉駿193今年首支單曲《B出口》,其實是香港年青人的愛情寫照,今次除了早前公布了由何啟華Dee首次操刀執導MV外,更有之前與193合作舞台劇的吳海昕(Sofiee)加盟演出,鐵三角組合,想不到竟然發生家暴事件,Sofiee更弄得滿手瘀痕!

193推出今年首支單曲《B出口》,唱盡香港愛情面貌。

193推出今年首支單曲《B出口》,唱盡香港愛情面貌。

邀吳海昕(Sofiee)任MV女主角。

邀吳海昕(Sofiee)任MV女主角。

今次《B出口》由台灣音樂人宋星凱及葉懷佩作曲,林若寧填詞,是很多香港人的愛情寫照,193道:「《B出口》〉講好多人與人之間嘅邂逅,例如:搭地鐵遇到心儀對象,可能一齊咗,之後過一排又邂逅其他人。好多偶遇好多離離合合,呢個就係好多香港人嘅寫照。」既然是一首屬於香港人的情歌,193很想在歌曲中記錄當下的愛情以外,更想記錄香港,他續道:「林若寧寫詞嘅時候,我叫佢加多啲香港地方元素,記錄返香港呢個時間呢個地區,因為好多時有啲地區經過年月變化,又或者好多唔同因素會變咗好多,甚至係有可能冇埋條街,所以歌詞裡面嘅街名比較大路,彌敦道、太子道、擺花街,另外亦有提及花墟。」

相關影片可以按以下畫面觀看:

影片連結:https://youtu.be/vljXJxvPArc?si=RrqBEOHMlP8fiwDW>

在拍攝過程中,193不慎重整傷了Sofiee。

在拍攝過程中,193不慎重整傷了Sofiee。

吳海昕慘遭193家暴!

吳海昕慘遭193家暴!

早前已公布,今次《B出口》由ERROR隊友Dee執導。既然大導揸Fit,自然Budget也較多,193大爆:「MV 因為有Dee大導,係歷年來𢱑得最多Budget嘅MV!如果用《睡到三點》同《再次Puppy Love》去比較,Budget係多十幾倍,所以都幾誇張。Dee大導好多想法,話要爆破!話應該冇乜人MV會爆破,所以要爆破。然後又要流血!好多奇怪諗法!」諗法多自然拍得多,193都想不通Dee的想法,他說:「我哋分咗兩日拍,每日拍咗十幾個鐘,啲劇情係多到我覺得可以出一個劇場版,起碼30分鐘都仲有嘢剩,多到痴線,我都唔明Dee可以點樣整落去。」

何啟華Dee首次操刀執導MV。

何啟華Dee首次操刀執導MV。

《B出口》作為情歌,當然要有女主角,但原來過程中曾經換角,193解釋:「本身MV係諗住搵另一個女主角,係傾好咗嘅,但去到開會嘅時候,Dee度咗好多劇情嘢,但當時想搵嘅女主角,係大約20歲嘅女仔,同我年紀差好遠,我哋點樣回憶返我哋十幾廿年前嘅片段呢?十幾廿年前佢仲係粒卵子⋯⋯然後諗起Sofiee,佢同我啱啱做完舞台劇《Laugh Vacation》,係一個幾好嘅選擇,同埋佢係一位好演員,所以唔使諗就係佢。」

193十分感謝Sofiee不計酬勞,近乎貼錢演出,與此同時,他亦深感歉疚,因為在拍攝過程中,他整傷了Sofiee。193說:「有場情緒戲,拍咗好多次,可能有7、8 Take,Dee 老師有好多唔同要求,我哋都跟足做,其中我要同Sofiee鬥力,我要雙手捉住佢阻止佢發癲,但我估唔到自己天生力大無窮,打開籃球嘅右手捏佢左手,結果捏到瘀晒,估唔到瘀到好似家暴,唔係一般嘅瘀,幾個鐘頭後已經變到紫黑色好似中毒一樣,所以我都好過意唔去。」不過193表示Sofiee要自求多福,因為劇組未能夠讓她索償醫藥費。「我頭先有Offer,最多買支去瘀膏或者跌打酒俾佢,但Sofiee冇理我。」對於被捏到滿手瘀痕,Sofiee就說:「兩睇啦!望落去就疑似好暴力,但對於33嘅老婆嚟講,佢係好大隻呀!平時係有操開,都有啲功力。」

193表示Sofiee要自求多福,因為劇組未能夠讓她索償醫藥費。

193表示Sofiee要自求多福,因為劇組未能夠讓她索償醫藥費。

拍攝Budget歷來最多。

拍攝Budget歷來最多。

你 或 有 興 趣 的 文 章