齊撐「童心抗疫畫出彩虹」繪畫比賽 星級父母孖仔女發放正能量

各位爸媽都帶小朋友都一商參加啦～

由善德基金會主辦，星島新聞集團全力支持的「童心抗疫 畫出彩虹」繪畫比賽，針對4至12歲小朋友，主題為在居家抗疫期間，透過親子畫作分享及發放正能量。圈中九位星級父母陳展鵬夫婦、關心妍、林盛斌、羅敏莊、車婉婉、黃澤鋒、張達倫、岑麗香及楊潮凱亦好支持，響應正能量活動提供親子畫作之餘亦有透露疫情期間，跟子女的生活點滴。

星級父母齊撐「童心抗疫畫出彩虹」繪畫比賽 孖子女發放正能量

首一萬二千名繪畫比賽的參賽者均可獲得一副由自己畫作製成，獨一無二的愛心砌圖。得獎者除可獲獎盃、獎狀外，得獎作品更有機會製作成愛心砌圖，轉贈給其他兒童。報名日期至2022年4月30日止，詳情可留意網址：https://www.shinetak.org/2022.html

陳展鵬教英文數學都好攰

陳展鵬的女兒陳諾瑤（小豬比）就快3歲，小妹妹好搞笑，覺得好光所以要同爸爸一齊戴黑超畫畫，「佢而家開始化妝、戴超、揀衫、頭飾，所有嘢都要話事。」因為長期留家，展鵬要安排好多玩具畀囡囡，「要教佢英文字句點組合，用好多玩具去配合，又要教佢背九因歌，唉，其實都好攰。」

小豬比剛五歲生日。

陳展鵬表示囡囡而家好有主見。

陳展鵬坦言教女教到有啲攰。

小豬比同媽媽一齊畫畫。

關心妍自度食玩教學課程

關心妍（Jade）同5歲半囡囡楊榮心（心心）一齊繪畫，心心畫咗公園，當中有滑梯、韆鞦及彩虹，最重要畫咗一家三口，加埋隻狗BUTTER。Jade表示心心的幼稚園行國際學校路線所以仲要返學，每日待囡囡上完網課就會自度關老師教育課程，「每日安排唔同活動，整鬆餅、啫喱、刨冰、Painting、唱歌堂、鋼琴堂，亦會安排挑戰比賽，喺屋企放啲三角型嘅Cone畀佢跑，練返啲體能。」為怕囡囡悶，Jade絞盡腦汁，「最近玩過BOTTLE FLIP，放啲水入水樽再拋，可以玩個幾鐘，玩完一個之後再挑戰兩個或3個，一家人可以比賽，係好好嘅親子活動。」

狗狗勁搶鏡。

林盛斌陪孻仔笑住畫自已

Bob的孻仔林道申（Jaye）選擇畫爸爸，Bob提醒囝囝畫眼耳口鼻邊睇邊笑。囝囝畫完仲記得寫返爸爸個名，最後再舉起幅畫大聲叫「我爸爸」，相當可愛。

Jaye仔個笑容好搞笑。

Jaye仔舉起畫有爸爸嘅畫。

羅敏莊安排囡囡泰國讀書

相信好多人都認識羅敏莊的9歲囡囡陳禛，因為陳禛讀國際學校所以仲未放暑假。講到疫情下囡囡要上網課覺得好慘，所以計劃緊安排囡囡暑假後去第二度讀書。「梗係去泰國，我最鍾意，個女放假喺屋企都係睇吓戲，喺附近慢跑，小朋友喺屋企慣咗就唔願出去，所以呢個疫情真係好大影響。」

羅敏莊指囡囡平時都有上Art堂，經常有畫畫。

陳禛作品。

黃澤鋒笑言囡囡未識扭計

黃澤鋒每周會帶兩歲半囡囡黃𤋮恩(小黃妃)去沙灘行吓，「而家沙灘都封埋，好慘。」又指囡囡開始識認知已經有疫情，從來唔知去街玩係咩感覺，所以未識扭計去玩。今年9月先讀K1的小黃妃一拎起畫筆就係咁畫。爸爸滿足笑說，「佢自己亂畫，畢加索後現代畫作，個女畫畫有啲天份。」

黃澤鋒好欣賞囡囡嘅畫作。

楊潮凱開心囡囡愛做習作

剛於大阪電影節獲「ABC電視獎」的楊潮凱買咗習作畀4歲囡囡Catharine，「係囡囡要求要做，放假頭兩日已經做晒學校畀嘅功課，要求我哋再買習作畀佢，有數學有英文，佢做得好開心。」Catharine的畫作內有一家三口，楊潮凱說，「佢拎咗郊遊執返嚟嘅樹葉，加啲顏料就印塊樹葉落去，跟住用手指點一點顏料做眼耳口鼻，出嚟感覺有啲抽象。」

楊潮凱囡囡鍾意做習作亦喜歡畫畫。

Catharine好有創意。

張達倫常陪囝囝多做運動

張達倫指畫作由4歲半囝囝張凱碩（Zachary）自由創作。停工嘅張達倫日日陪住囝囝，除咗陪做功課，又會一齊打籃球同跑步，近日又買咗對Roller鞋畀Zachary。

停工嘅張達倫日日陪住囝囝。

小朋友啲畫作真係好得意。

車婉婉興奮4月終有實體課

車婉婉一向任由就嚟5歲的兒子Justus Quinlan（BBQ）創作，畫作中表示BBQ想同爸爸去游水，媽媽就喺旁邊等佢。「安全情況下同佢踩滑板，一星期四、五日，或者行山，打羽毛球、踢波、等佢可以放電。」BBQ目前讀K2，知道4月可恢復實體課，車婉婉非常開心。

從畫作可見，BBQ好想同爸爸游水。

好得意。

岑麗香囝囝用冰粒去繪畫

香香為撐今次活動，就叫咗好鍾意畫畫嘅3歲囝囝吳主軒（Jacob)發揮無限創意，以有顏色嘅冰粒去畫咗一輻好繽紛嘅畫作。

香香好支持活動。

用有顏色嘅冰粒畫畫，好有創意。

關注一下過去24小時娛圈事Top 5熱話

陳展鵬為老婆慶祝34歲生日 單文柔刻意遮肚現孕味

視帝陳展鵬出名是愛妻號，老婆單文柔（Phoebe）前日（19日）34歲生日，陳展鵬除與老婆撐枱腳食燭光晚餐外，回家後更與女兒「小豬比」一同慶祝切蛋糕。

▼詳情點擊圖片查看或按連結

張曼玉孖林丹巴黎出戰羽毛球賽 59歲真實狀態曝光驚艷網民

現年59歲的國際影后張曼玉（Maggie）淡出影壇多年，近年鮮有公開露面，日前她卻驚喜現身巴黎，與羽毛球高手林丹，出席為期兩日的「巴黎100中法羽毛球慈善盛典」。

▼詳情點擊圖片查看或按連結

姚焯菲7月考車牌 極有信心一take合格 自覺身形圓潤稱是肌肉

聲夢小花姚焯菲（Chantel）昨日（20日）出席其官方後援會為她在尖沙咀舉辦的《Dreamscape》展覽，Chantel在現場首次跳唱《Dreamscape》。她今次趁新西蘭學校放假回港，表示只在港逗留兩星期，同時透露會於7月考車牌。

▼詳情點擊圖片查看或按連結

女神收割機近況曝光 被野生捕獲變油膩大叔

80至90年代曾參演《富貴開心鬼》、《我和春天有個約會》、《鬼子來了》等電影的吳大維，曾以帥氣及充滿ABC味見稱。現年58歲的他近年在台灣當上飲食KOL，日前被網民在上海「野生捕獲」拍下照片，可是網民卻不能肯定是否本人。

▼詳情點擊圖片查看或按連結

重慶90後女歌手摔倒身亡 疑似踩到裙襬倒地

日前有網友爆料，指在4月19日重慶江北區一個壽宴上，一名參加演出的90後女歌手，唱到第2首歌時突然倒地不起，根據內媒報道，該女歌手已搶救不治。

▼詳情點擊圖片查看或按連結