JW感謝監製Randy講令到佢夢想成真！
JW（王灝兒）相隔兩年再推出新歌《納斯卡線》，是她入行12年來第一次與Wyman（黃偉文）及Howie（翁厚樑）合作，JW說：「一直以來我都好想找Howie作首歌畀我，公司即刻應承咗，其實上年4月Howie已經交咗首歌畀我，之後我同監製Randy講，我好想好想搵Wyman填詞，因為我冇一首歌由Wyman填詞，好感謝Randy令到我夢想成真！」
觀看相關影片按連結：https://youtu.be/afqDcLPAdeM
Wyman第一次幫JW填詞。
對於新歌，JW表示納斯卡線是位於秘魯納斯卡沙漠上的一種古老地表雕刻或圖畫，有數以百計的圖形，以簡單的線條再配以複雜排列構成的魚類、蜘蛛、花、樹木、蜂鳥、猴子、貓等，置身其中睇唔到，但從高空就睇得好清楚！
JW今次玩暗戀。
Wyman將暗戀故事比喻納斯卡線，MV中JW飾演一個暗戀身邊好友兼工作夥伴的女仔，但由於這個男仔只當她是工作好拍檔，一直不知JW暗戀佢，當他將步伐走遠少少時，才感受到好朋友的情意。
JW與MV男主角。
與JW合作無間的Heison任MV導演，對方找來的MV男主角是JW以前報讀彭秀慧戲劇班的同學，導演安排了一場嗌交戲給兩人，大家又好像回到上堂對戲的時候一樣，令JW好開心。
有攬攬場口。
