原本二人在MV中有Kiss的場面。
ViuTV節目《晚吹 - 有酒今晚吹》逢星期一晚上11時30分播放，由強尼、練美娟（娟姐） 以及專業品酒師黃詩詩擔任主持，三路夾擊每集受邀的明星嘉賓，發掘他的酒後故事。未醉之前，大家固然能侃侃而談，有紋有路；醉了之後，彼此更會放下隔膜，爆料講真話！
節目第100集邀請得獨立唱作歌手「陀地歌姬」Serrini（梁嘉茵）擔任嘉賓。
Serrini分享搵Stanley做MV男主角原因。
節目於下星期一（11日）晚播出第100集，邀請到獨立唱作歌手「陀地歌姬」Serrini（梁嘉茵）擔任嘉賓，與主持品嘗來自法國干邑區的X.O。早前，Serrini《樹》的歌曲MV，找來MIRROR成員Stanley（邱士縉）擔任男主角，令一眾樂迷大感驚喜。她分享指當時製作團隊選擇Stanley的原因：「因為導演覺得我嘅氣場或者講嘢嘅語氣好強勢，所以要搵一個好高大嘅男主角，先可以令到我望落去有種小鳥依人嘅感覺。」Serrini指導演原本想二人在MV中有Kiss的場面，但就被她一口拒絕：「因為第一次合作就有咁多親密鏡頭嘅話會好尷尬。唔錫得都仲有好多嘢可以做，例如拖手同對望……所以最後就只係錫額頭。」
網民大讚MV拍得好靚，好似睇緊韓劇咁，仲話拍到Stanley好靚仔！
Serrini大爆自己曾試過酒醉後，貪玩將生日蠟燭當成糖果，並差點吃掉：「有啲生日蠟燭好似糖㗎嘛。不過想食嘅時候，就被朋友制止咗。我都係貪好玩先食㗎咋，唔係真係醉㗎。」被問及有沒有試過在酒醉的情況下創作音樂時，Serrini表示大部份歌曲都是在游泳的時候得到靈感：「好多都係游水嘅時候寫。比如《Sweet Sweet Christmas》咁，係一首好慢好Jazz嘅歌，但係其實入面全部都係關於飲酒呀酒醉呀咁。我反而會係好清醒嘅時候，寫啲關於飲酒嘅歌。」她更笑言因自己創作的歌詞大多都圍繞酒和微醺等主題，所以不太適宜小朋友聆聽。
Serrini表示酒醉曾貪玩將生日蠟燭當糖食被朋友及時阻止。
Jeremy李駿傑與Serrini的《唯美本尊》合唱版MV大公開！
李駿傑Jeremy最新單曲《唯美本尊》，找來Serrini填詞，早前拍攝MV時，對方更偷偷現身客串演出，令Jeremy驚喜萬分，亦因為這個緣故，Jeremy想到要找Serrini一同推出合唱版，日前他們更為此拍攝了特別版MV。
Jeremy與Serrini推出《唯美本尊》合唱版MV。
Serrini在上次《唯美本尊》MV中客串時，興之所致飾演住在Jeremy樓下的鄰居，其演出成為了MV的彩蛋。其實Serrini當日有向Jeremy教路如何演繹《唯美本尊》這首歌，Jeremy道：「當日Serrini有教我點樣去唱呢份詞，同我解釋點解咁寫，要擺咩語氣會好啲 ，我聽住佢唱，就覺得，啊！佢唱得好好聽啊！唔得，真係要同佢合作，所以拍完MV嗰晚就即刻WhatsApp花姐，問可唔可以合唱，然後再有同事幫忙，促成呢件事。」近期Serrini都旅居外地，鮮有在香港，但剛巧另有工作安排要回港一趟，造就Serrini特地抽空錄音兼拍MV，《唯美本尊》合唱版也就此誕生。
Jeremy大讚Serrini唱得好好聽，所以堅決要和她合作。
合唱版的《唯美本尊》沒有特別轉Key，但Serrini想加點新意，她說：「唔想就咁和音，好似冇乜意思，所以我加咗好多Melody，同埋好似Answer Back嘅嘢，而家似新作品。」Jeremy表示很喜歡這個版本，「當日錄音係我錄先，跟住Serrini錄，本來我錄完就可以走，但我唔肯走，要留喺度聽埋先。之前我聽到冇任何混音嘅版本都已經好好聽！到聽到完整版本，係非常鍾意。」
合唱版的《唯美本尊》沒有特別轉Key，但Serrini有加點新意。
Serrini在錄音室聽過Jeremy現場錄音的表現，也大讚他要妖要放鬆都可以按指導即時做到，十分專業，Serrini更說：「我係幾Surprise Jeremy把聲幾入咪，同埋佢一嚟到就話食咗嘢OK可以即刻錄。監製驚佢嚟自男團，要跳舞，唱歌會唔會要多啲時間Warm Up，又唔係，一入嚟就Ready，歌詞又唔使睇！」Jeremy聽到這裡即說：「自己歌嘛！如果唱唔到好大鑊，哈！」
Serrini大讚Jeremy要妖要放鬆都可以按指導即時做到，十分專業！
其實在製作《唯美本尊》之始，Jeremy只是簡單地寫了短短的內容，他回憶內容道：「其實嗰陣我係想話，世界有好多負能量，有好多唔好嘅人與事喺我哋身邊發生，好多時候我哋冇辦法去改變佢，最多只能忽視佢，希望用呢首歌教大家點樣去忽視呢啲事情。我冇特登去諗擺啲乜嘢形象落去呢首歌裡面，但係Serrini就為我賦予咗本尊嘅形象。」
Jeremy指製作《唯美本尊》前只是簡單地寫了短短的內容，但Serrini就為她賦予了本尊的形象。
Serrini亦解釋到她很想將Jeremy提到的負面情緒，變成了正能量，她道：「Jeremy寫嘅幾句嘢太簡單，要深入啲，仲要將我自己成日幻想啲囝囝應該係咩樣，就安喺佢身上。因為我好鍾意《半》嘅MV造型，係諗住嗰個樣嚟寫，而歌名如果用『唯我獨尊』太過硬，然後就諗到『唯美本尊』，因為我哋成日覺得Jeremy好靚，但點樣再Elegant啲？而家佢染金毛就更加係『唯美本尊』嘅樣。」
Serrini解釋到她很想將Jeremy提到的負面情緒，變成正能量。
而這個唯美形象的Jeremy，除了在早前《唯美本尊》MV出現外，今次在特別版MV中亦再度現身，因為這個特別版MV，是上回的故事延續，Serrini道：「上次客串我亂噏話自己係住樓下個女人，今次想故事延續，一個著綠色絲絨衫嘅女人返到屋企換衫，就換咗好Casual T恤質地嘅裙，遇到Jeremy㩒門鐘到訪。」要知道Serrini向來都是鬼主意多多，性格隨和又不拘小節，在拍攝這個特別版MV時，便展現了她的獨有風格，但Jeremy卻表現緊張，Serrini大爆：「頭先拍MV時，要Jeremy挨埋嚟，佢好似唔知點算好，勁緊張，好有趣！」Jeremy難為情表示：「係呀，我驚你介意呀！」Serrini當然沒有介意啦！而Jeremy了解到Serrini的「底線」之後，也愈演愈放，本尊的氣𦦨也慢慢散發出來，與Serrini擦出前所未有的妖艷火花。
觀看相關影片按連結：https://youtu.be/GrweZk5bTdU?si=fttU5kkrrggeQq3a
