身兼中央港澳協調小組組長的人大委員長張德江今日見港澳政協委員,發表咗長篇講話,對香港目前的局勢講出不少睇法,自然引起政界關注。
政治方面,初一香港發生咗旺角暴亂,張組長自然會講到香港局勢的看法,佢認為製造暴亂,違法違規 ,這些非香港之福,不能姑息。基本法對言論自由有保障,但任何事都有底線,這底線就是法治,是市民安身立命的基本利益。並且不排除有人想挑起矛盾,製造緊張氣氣。
張德江不止定性為暴亂,更大力針對幕後搞手,絕不手軟,呢個態度可以話係預咗啦。
有政壇高人話,除了政治方面,佢覺得張組長講到香港的經濟方面的發展機遇,大家都唔好忽視,當中清楚點出咗香港在一帶一路政策下可以做啲乜,佢指出一帶一路政策,會產生巨大的融資和貿易需求,香港可在融資上發展積極作用。張組長仲再三提醒香港近水樓台先得月,切勿蹉跎歲月呀。
搞金融係香港強項,一帶一路係未來幾年阿爺重中之重的政策,點樣用好呢張牌,都係香港商界要認真諗諗的課題。
Ariel
** 博客文章文責自負,不代表本公司立場 **