小儀飲多兩杯直認Edan出現令自己回春 將來落地獄全因幫森美講大話

阮小儀早前為ViuTV節目《晚吹–有酒今晚吹》擔任嘉賓，節目將於下周一（18日）播出，她跟主持強尼、練美娟以及專業品酒師黃詩詩，一邊飲酒一邊爆料，其中她直認跟老拍檔森美曾經有一段時間經常嗌交，尤其是森美受情緒病困擾的時候，二人的衝突最為嚴重。

小儀幾杯落肚，暢所欲言。

小儀謂：「嗰陣時做好多嘢都會令佢好嬲，無論係On Air定背後都會話你。當時我唔明發生咩事，有時仲會同幕後同事講壞話同吐苦水，但係依家終於明白。」小儀又笑指如果自己會將來「落地獄」的話，一定歸咎於森美：「譬如佢結婚同生小朋友，我係好早知，但係當時記者問我，一定要幫佢講大話隱瞞。」

小儀跟幾位主持，傾得十分投入。

坦言為森美講了不少大話。

近年小儀被稱為MIRROR成員呂爵安（Edan）的「正印」，皆因眾所周知她冧爆Edan，但原來起初他參加《全民造星》時，雖然小儀很欣賞Edan才華，但當時反而覺得對方的樣子奇怪，沒有太過留意。直至《造星II》時，小儀才正式成為Edan「爵屎」（fans暱稱），小儀謂：「嗰陣開始覺得Edan好全面，同埋個樣好番啲，開始順眼，就慢慢留意佢多咗。」

早前小儀為Edan新歌MV客串演出。

小儀擺明車馬冧爆Edan。

小儀更坦言Edan的出現令她再次回春，陷入年輕時瘋狂追星的狀態：「Edan嘅出現令我feel到自己好唔同，所有後生嘅荷爾蒙出哂嚟。」小儀又指雖然姜濤亦令她有回春的感覺，但威力卻未及Edan般大。 

在小儀身上，姜濤（中）的回春威力不及Edan大。

小儀飲多兩杯直認Edan令自己回春 將來落地獄全因幫森美講大話

森美：「有用嘅嘢想用都冇得用」！

全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！

Mayanne同GM分別擔任主持及助理主持。

今集請嚟火火（左起）、森美同埋劉翁擔任嘉賓。

年屆50嘅森美笑言最開心係可以同BTS一齊入伍。

火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！

火火親述「抓龍筋」過程，啲表情包勁爆笑。

之後眾人大談中年危機6大徵兆，其中一項係性能力/性慾下降。

森美激動表示慘遭老婆無視，搞到「有用嘅嘢想用都冇得用」！

之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」

之後講到依家男士魅力不再，森美留意到依家好多男人操肌係為咗吸引異性。

再講到出軌問題，森美話成本太高唔敢嘗試。

已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。

劉翁自爆第一段婚姻出軌經歷。