張智霖相隔多年再與宣萱合作。
《G風暴》 於去年除夕上映六日後，戲院因疫情而需要停業，相隔接近四個月後戲院終於重開，《G風暴》亦於今日再度公映，戲中一眾演員都相當感恩，電影能再度與觀眾見面。
https://youtu.be/wknnaRuF0dk
眾人逃離爆炸現場。
張智霖讚好宣萱。
作為反貪風暴系列最終章，《G風暴》 的製作愈見揼本，結尾炸太空館部份令觀眾睇得非常過癮，飾演G4的張智霖（Chilam）需要帶領宣萱（Jessica）、陳庭欣（Toby）及劉浩龍等從爆炸現場驚險逃生，各演員都滿臉灰塵喪跑，相當狼狽！
陳庭欣拍攝前黐膠布喺腳底保護雙腳。
Chilam表示相隔多年未有跟Jessica合作，但再次碰面都很慶幸大家仍是好狀態：「同Jessica好似噚日合作完咁，再合作無太大分別，當然佢而家演技更加成熟，亦都見到佢喺現場好認真，希望每一句對白、每一個鏡頭都能夠做到最好，係好有實力嘅演員！」Jessica就稱整個G4團隊大家都合作得非常開心，鏡頭後都會聊天、開玩笑，氣氛非常好。
張智霖帶宣萱逃離爆炸太空館 演員感恩電影再上映
同樣飾演G4的Toby亦拍攝得相當落力，需要化上血妝及赤腳在凹凸不平的地面逃跑，事前Toby已做好安全措施，黐膠布在腳底保護雙腳，她笑稱：「跑完之後師兄（劉浩龍）就要放開我捉返夏嫣，我就撻咗喺欄邊，自己要就位攤好，好彩最後拍咗幾個鏡頭就順利完成！」
詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！
詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！
Jim sir 6場《即興之王》順利完成。
Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」
Jim sir好感恩觀眾好投入。
更揚言會做100場。
更希望將《即興之王》帶到星馬、美加等地，與當地華人及香港人一同分享。
Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」
廖碧兒
林盛斌
陳小春
而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」
張智霖與囝囝張慕童
魔童好滿意Jim sir扮女人「moment姐」。
魔童睇到笑唔停。
仲同爸爸Chilam「十五指緊扣」。
