「JERSON」合體開工拍新劇 AL化身車房仔捐車底狂吸廢氣

要注意休息啊～

ViuTV新劇《百萬同計劃》近日正式開工， MIRROR成員呂爵安（Edan）因撞期問題無法接拍，令「JERDANSON」三合一無緣合體，但盧瀚霆（Anson Lo）和柳應廷（Jer）日前終於為《百》劇聚首開工。《星島日報》前日直擊Anson Lo化身「車房仔」在車房內開工，晨早拍攝至凌晨近4點才收工回家，前日又一早9點出發開工，僅休息四小時。

AL同JER合體開工。

Anson Lo聯同黃德斌及練美娟日前在一間車房內為《百》劇拍攝外景，經理人花姐亦有到場，現場所見德斌和娟姐以高端打扮現身，而飾演車房仔的教主則穿上jumpsuit工作服並戴上勞工手套，面部刻意塗上污漬，車房仔造型可謂入型入格，在拍攝時更一度爬入車底拍攝整車鏡頭，期間車身噴出廢氣，Anson Lo做出一臉難受表情，搖搖頭兼跑到一邊疑似作嘔。為求演出完美，這場車底戲分拍了幾take，而每拍完一take，Anson Lo都認真翻看片段檢討自己的演出。

Anson Lo變身「車房仔」在車房開工。

喺車底拍攝整車鏡頭。

這場整車戲大約拍攝一個半小時就順利完成，Anson Lo冇換戲服就直接收工，並登上經理人花姐的座駕離開現場，然後轉往下一個場地繼續開工。至入夜時分，「JERSON」終於合體，Anson Lo和Jer一齊低調抵達一家快餐店樓下，匆匆上樓開工拍攝。一直拍至凌晨3時43分，Anson Lo才完成全日的工作，他一收工上車回家，即在社交網限時動態PO自拍照，留言：「3:43am，是日完。」不過翌晨9點幾又發文自爆出發再開工，晚收早開，馬不停蹄，嚴重休息不足。

AL聽住黃德斌講嘢。

德斌每拍完一個鏡頭即帶返口罩。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。