CHILL CLUB頒獎禮演出遭怪聲突襲 許廷鏗心情受影響出Po發洩

唔好唔開心啦～

昨晚（24日）舉行的CHILL CLUB頒獎禮，不少未有得獎的歌手及新人，反而有機會上台表演，各人皆盡力演出，但當許廷鏗（Alfred）在台上演唱《修羅場》時，卻疑是幕後工作人員忘記關咪，突然有一把男聲在現場響起，而電視機前也清楚聽到，該男聲說：「睇整體」、「成件事好正」、「Keep going」，直接影響Alfred的現場演出。

Alfred用心演出大家有目共睹。

頒獎禮完結後，Alfred在IG限時動態上以黑底白字寫出心情，坦言有不開心：「睇返演出的直播，容許我真係有小小唔開心，唔係想怪責，但係花心機時間彩（綵）排演出，就係希望盡善盡美，可以令觀眾視覺聽覺有享受，喺台下一路做觀眾，我都真心覺得個show好正，所以更加想做好自己嗰part。好少去咁樣放負，呢個story得24小時，俾我抒發一下，我仍然相信大家在努力，為著令觀眾知道表演是一門專業的學問，好啦，冇咩事我繼續努力準備出碟的事宜。」此Post一出，不少網友及歌迷都紛紛向Alfred送上安慰，最後他再出Post謂：「晚安了，謝謝大家。」

用心綵排完點知演出受影響，係人都會唔開心。

相信Alfred瞓醒一覺就冇事。

其後，Alfred再出po指收到製作團隊致歉，心情轉好，以「也許遺憾也是另一種美」為題發文，他指一覺醒來看了好多樂迷留言，亦撇開自己的執念去看開，要求事事完滿的強迫症，意外換來更突顯的支持，這樣都有可貴之處。「收到製作團隊致歉抱歉，其實我知道一點不容易，也知道大家付出的努力，失誤冇人想冇人會好受，錯有錯著，反而可以知道，原來好多人著緊愛樂壇，呢樣就已經係最好的事。」他又指網上重溫版本已經修復，笑指話給自己24小時不開心，現在12小時就開心返仲識搞笑。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。