許賢聽到嗌「MC」作狀衝前攞獎 網民狂Hashtag「關心賢」

MC $oHo & KidNey為大家帶來無盡嘅歡笑～

2009年《十大勁歌金曲頒獎典禮》中的搶獎事件是香港人的集體回憶，當年關心妍聽錯自己有獎攞，但全場同家庭觀眾都聽到得獎嘅係關菊英，場面非常尷尬，連關心妍都尷尬到喊，但她多年後表示不介意大家重提事件，連她也曾以此事自嘲，非常大方。想不到昨晚（24日）舉行的《CHILL CLUB推介榜年度推介21/22》頒獎禮中，都疑似差點重演「關家姐事件」。

呢一幕咁多年後睇相都好似有聲咁……

許賢（右）以組合MC $oHo & KidNey入圍新人獎。

話說昨晚頒發新人獎時，一眾新人平排站於台上等待主持駱振偉（Thor）宣佈得獎者。昨晚許賢以組合MC $oHo & KidNey入圍新人獎，當Thor說出：「年度新人金獎就係……MC……」許賢未聽晒就玩嘢扮想衝出去領獎，連身旁的兄弟蘇致豪都陪佢癲一齊行前幾步，但當聽到Thor最後表示：「張天賦。」二人就退回原位，一旁的其他新人一度以為許賢認真，都拉住他免得造成尷尬場面，但大家好快就知佢玩嘢，大家笑成一團，就連遠處的Edan（呂爵安）、肥仔（梁業）睇見都笑埋一份。

一眾新人排排站。

由現場觀眾拍下角度可見，許賢聽到「MC」踏前幾步純粹玩嘢。

旁邊啲新人都嚇一嚇，之後一齊笑。

Edan同肥仔都笑得好開心。

但由於節目直播時，沒有拍到全畫面，大家只看到許賢聽到「MC」時一度走上前，於是有網民以為許賢真係差啲變「關心賢」，更紛紛走到其IG留言Hashtag「關心賢」，就連One Promise鼓手馮卓然（Anton）似乎都誤會咗：「（嗌）MC嗰陣時你哋行出去，笑咗出嚟」。至於同許賢好Friend嘅游學修都有關注事件，佢當然知道好友玩嘢啦，不過佢就驚訝：「見到好多人以為關心賢係真心覺得自己贏MC。」

網民狂Hashtag關心賢。

游學修緊係知兄弟玩嘢啦！

提返大家！新人金係大熱MC呀！

MC張天賦透露籌備新碟時期，以為自己失聲、不能再唱歌，心情受好大影響，繼而選擇的曲風都比較沉重。

MC張天賦今日（3月12日）推出第三張個人大碟《TREBLE》。早前忙於拍攝電影的MC也不忘錄製新專輯保持一年一碟紀錄，他解釋新碟慨念說：「新碟《TREBLE》多數都喺圍繞一些我會形容為顏色比較沉重嘅主題或歌曲出發，因為籌備新碟時期以為自己失聲、不能再唱歌嘅時候，心情受好大影響繼而選擇的曲風都比較沉重。」一向輕鬆拿捏各種曲風的他亦有在新碟裡作出新嘗試，MC ：「今次新碟入面有收錄其中一隻我同我朋友一齊合作、較為Hit pop嘅國語歌，同是亦是收錄喺新碟裡嘅一首國語歌。」

MC張天賦推出第三張個人大碟《TREBLE》。

《TREBLE》專輯封面

新碟設計上設計師特地為了這張專輯，按MC的面型設計了專屬面具，而這款面具除了在專輯造型中亮相外，更成為每張專輯封面的一部分。MC說：「造型方面喺公司嘅功勞啦,因為當初我話呢隻碟喺陰暗啲、沉色啲嘅方向架啦，於是佢地就用咗「面具」去表達唔同人唔同嘅情緒。而家呢個造型喺我都幾鐘意，因為好少可會畫到咁深嘅眼影同個嘴唇咁黑，但係！嗰幾條頭髮喺非常拮眼，哈哈」

籌備新碟時期以為自己失聲！

早前忙於拍攝電影的MC，也不忘錄製新專輯保持一年一碟紀錄。

MC想到加拿大開演唱會。

問到MC今年的目標還有音樂及電影以外還有沒有想嘗試的東西?MC說今年的目標和往年一樣：「今年嘅目標亦都係年年嘅目標，就係減肥同操肌！！我好希望今年如果有演唱會嘅話，我好希望自己有得揀除唔除衫，除就未必一定會除哂，但起碼有得揀先哈哈（現在有成果嗎?）而家係無住嘅。。。但係我都Keep咗（去做Gym）2-3個星期架啦。」至於事業他說暫時會專注於歌手及演員這兩個範疇，MC更說：「音樂方面我開始咗第一首完全喺自己作曲嘅歌曲，其實喺有幾首架，不過有一首就嚟推出，同埋今次為專輯或歌曲的前期準備都比之前多，所以希望大家拭目以待！

用面具表達不同情緒。

喑黑風格因遇低潮。

上一年MC首個紅館演唱會《This is MC》伸延至澳門最後回歸初心之地（文化中心），如果下次再開演唱會希望在哪裡舉行？MC想了又想說道：「去邊度開演唱會其實真係冇乜所謂，但係自己私心係想去加拿大開演唱會，因為自己畢竟係嗰度讀書，如果可以係嗰邊（開演唱會）都會好開心。」

希望除唔除衫有得揀！