家燕姐直言：「我根本係接受唔到！」
薛家燕為好友曾江猝逝大感難過，平復心情一天後，今日（28日）才作回應，她表示昨日接到曾江離去消息，表示非常難過，「我根本係接受唔到，因為唔相信佢就咁就走咗，好唔捨得呀！」去年年尾家燕姐邀請曾江為香港電影資料館二十周年做訪問，對方都賞面受訪，談到從影經過並請了好拍擋雪梨姐一齊傾當年合作往事，懷緬一番，大家談笑風生，傾得非常開心，做完個節目仲話遲吓約食飯，大家多啲聚吓，點知過年期間疫情嚴重，所以都冇再約，好可惜咁就冇辦法再見到佢嘞！」
薛家燕難以接受好友離世 憶年少時獲對方教做功課
曾江去年底作客薛家燕電台節目大談當年合作往事。
家燕姐又盛讚曾江在大家心目中是位好演員，萬事皆能，演戲精湛，樣樣皆精，出水能跳，入水能游，學識豐富，和他工作獲益良多，家燕姐也獲曾江教識好多嘢，「尤其是我十幾歲時，同佢拍戲佢仲教我做埋功課，幫我好多忙。後期我有幾次節目，佢都特別上嚟撐我，支持我。」家燕姐坦言失去這樣一位好朋友十分難過，昨日（27日）跟寶珠、芳芳說起曾江，大家都感到很不捨得希望他一路好走，並跟焦姣、曾江女兒及家人講節哀順變，大家一齊悼念、懷念他。
薛家燕憶述年少時在片場，曾獲曾江教導做功課。
曾江（右五）曾多次現身力撐薛家燕（右七）的節目。
李思捷接受新城「開心大派對」訪問公開扮嘢小貼士。
李思捷今日（4月6日）接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令到對演藝好有熱誠，但沒有機會表演的一群學員，有機會在螢光幕上表現自己才華，家燕姐更對其中一位學員前天堂鳥隊員Gordan（葉泓聲）扮羅志祥十分欣賞，思捷也讚Gordan一向跳舞好出色。
李思捷接受新城「開心大派對」主持薛家燕、范振鋒、思敏直播訪問。
家燕姐大讚思捷是喜劇中難得的人才。
李思捷在訪問中表示《福祿壽訓練學院》參賽者有藝人，也有不少素人參加，坦言比賽初期，藝人有演戲經驗比較着數，不過他相信只要素人上多幾次舞台，潛質就會發揮出來，他希望《福》節目能夠好似《中年好聲音》搞得一樣出色，也不介意與學員們合作做併盤，希望為觀眾帶來更多開心喜劇及表演。
李思捷希望《福祿壽訓練學院》節目能夠好似《中年好聲音》搞得一樣出色。
思捷與三位主持人傾到雞啄唔斷。
李思捷感謝有幸參與《歡樂今宵》
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。
在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀…….」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即好奇地哈哈大笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」
氣氛熱鬧！
詳細精彩內容，請重溫4月6日，下午2-4時，新城知訊台《開心大派對》節目 ，重溫網址：https://www.metroradio.com.hk/MetroInfo/
