生日快樂～
許廷鏗今日（29日）34歲生日，他特意揀同一天推出首隻黑膠碟《2021》，並到深水埗做一日店長宣傳新碟，有粉絲送上生日蛋糕和禮物為他慶祝。由於新碟都刻有編號，他也特別自留代表生日的0429，但笑言只留一隻，家人和朋友都要自己買，希望大家都找到心儀的編號。問到如何慶祝生日？他說：「出碟已經是慶祝，其實隔籬間餐廳有為我整咗個生日套餐，知道有粉絲已訂枱，邊聽我的歌邊食飯。」
許廷鏗留起生日日子的編號黑膠碟，賀自己生日。
Fans好支持。
至於與朋友怎樣慶祝？許廷鏗說：「我們都很忙，欣宜都要5月中才有時間，但她今日就送了一個驚喜給我，我沖緊涼時FaceTime我，又叫我開鏡頭，唱生日歌給我聽，但就cap圖擺上網，她化了妝，我就素顏，好彩未洗濕個頭。」
許廷鏗雖然講到好不滿，但係又好似幾enjoy喎！
講到生日願望，他希望大家早日可以除口罩，雖然未能出外旅行，但香港也有很多好地方，希望政策放寬後，會有更多地方讓大家舒展身心。問到可希望找到另一半？他表示誰都想身邊有個伴，但現時專心工作，坦言兒女私情放一邊，感情事擺在很後的位置。
許廷鏗食蛋糕都飽晒。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
