帶愛犬遊山玩水 陳瀅晒泳照派福利

玩得好開心～

陳瀅近日趁空閒帶同愛犬去遊山玩水，她在社交網貼出多張出海相片，包括泳衣照派福利，並以意大利文寫道：「Dolce far niente」，這是義大利人最愛的生活態度，意思是指舒展心靈，無所事事。

相中見到陳瀅身上穿連身泳衣出海，未知是否角度問題，大腿看來有啲肥。她與狗狗一起享受玩獨木舟的樂趣，又上載狗狗遊水短片。

落水着番件Tee，福利呢？

陳瀅的愛犬好Cute。

陳瀅仲有玩獨木舟。

此外，她又有帶狗狗去行山，登上山峰睇日落，又拍攝沿途的花朵美景，相當寫意。不少網民讚她是女神和美女，亦有讚狗狗好得意。

行山都注意防疫，個罩戴得好穩。

天氣好好，風景好靚。

陳瀅同愛犬的背影，好似一幅畫。

登上山峰睇日落，睇見都攰。

吳嘉禧表示：「我係唔post正常相」。

娛樂圈中有很多不同的「閨密團」，陳瀅、賴慰玲、陳嘉寶與前Super Girls成員吳嘉禧（Cheronna）就因拍攝TVB劇集《女人俱樂部》成為好姊妹，其後再加上蔡思貝及何雁詩，六人組成閨密團「SÏXTERS」，以往經常聚會，感情相當好！不過，陳瀅近年經常四圍飛，多次缺席姊妹聚會，在今個農曆新年終於歸隊，合體團拜，但吳嘉禧近日貼出的合照卻嚇親網民。

陳瀅、賴慰玲、陳嘉寶、吳嘉禧、蔡思貝及何雁詩組成閨密團「SÏXTERS」

曾一同為何雁詩經婚擔任姊妹團。

大時大節都會聚會。

但對上一次齊人已是2021年的聖誕節。

陳瀅近年經常四圍飛，所以多次缺席姊妹聚會。

去年農曆新年六缺一。

吳嘉禧在IG分享SÏXTERS的姊妹賀年合照，但第一張相就見桃花上掛着六人的「人頭」，賀年照瞬間變成恐怖片畫面，吳嘉熙留言解釋：「實6個一齊影相最麻煩就係要執相，但係呢，你執相中途又要睇下個group會唔會send張update嘅版本出嚟，如果唔係你又要由頭開始，我就係冇中途睇
結果我就執咗幾次，咁啱幾次都係我，仲要張update唔係執個人，係執啲花，吹脹。故事教訓，執相前、中、後都要留意個group，否則前功盡廢，龍年希望大家唔洗成日執相，因為大家會好靚#我係唔post正常相#圖一圖二係我發脾氣之作#圖三係鄭太之作」。

SÏXTERS終於齊人！

有啲恐怖就有啲好笑。

吳嘉禧話呢張係鄭太何雁詩之作。

不少網民看過影片都被吳嘉禧的惡搞之作逗笑，紛紛留：「發脾氣執都咁靚，點㗎啫！新年快樂！開開心心」、「第一張心諗：做咩事棵花咁恐怖，但係cute嘅。like hashtag #我係唔post正常相」、「呢個layout ok！」