在拍拖5周年紀念日宣佈婚訊！
43歲TVB藝人黃嘉樂今日於IG宣佈，向拍拖5年的攝影師女友Samantha（江惠賢）求婚成功，原來他揀正拍拖5周年向女友送上巨鑽和大束玫瑰花求婚，並於IG留言表示：「我來不及參與妳的過去，但妳的未來必定有我！」另外又Hashtag未婚夫、未婚妻，宣佈已訂婚。
點擊看圖輯
而Samantha就於IG表示： 「恭喜你呀！咁我就將我自己交畀你喇！一直做男性主導行業嘅我，喺你身邊呢5年我可以做返一個好懶同唔理野嘅女人。期待繼續被你照顧嘅日子。」仲叫大家到時飲多杯，睇嚟有計劃擺酒，引來大批網民留言恭喜。
黃嘉樂向拍拖5年的攝影師女友Samantha求婚成功。
大大束玫瑰花。
巨鑽。
好閃呀！
而Samantha就於IG表示： 「恭喜你呀！咁我就將我自己交畀你喇！一直做男性主導行業嘅我，喺你身邊呢5年我可以做返一個好懶同唔理野嘅女人。期待繼續被你照顧嘅日子。」仲叫大家到時飲多杯，睇嚟有計劃擺酒，引來大批網民留言恭喜。
好Sweet。
勁襯！
女主角都有出Po。
好多圈人中留言恭喜佢哋。
黃嘉樂拍拖5年求婚成功 巨鑽箍實攝影師女友
入行逾廿載,黃嘉樂珍惜機會全力以赴：每一個角色都係一個好嘅機會
由梁耀堅監製、葉世康及鄭忠泰擔任編審的《本尊就位》，今晚八點半翡翠台播映大結局。22日劇情講述穿山甲妖轉世的現任鎮長辛正義（黃嘉樂飾），用詭計偷去王母娘娘髮簪；為了搶回法力高強的髮簪，呂洞賓（謝東閔飾）要求雪花（陳嘉慧飾）釋出「牡丹仙子」（陳嘉慧分飾）元神四出感應髮簪下落。與此同時，木昆（孔德賢飾）遭正義設局踢爆神棍真面目，鋃鐺入獄兼被判死刑，最終獲直楠（鄭雋熹飾）幫忙成功逃獄。另邊廂，「牡丹仙子」元神在尋簪期間被正義捉走，及後「牡丹」元神雖趁呂祖與正義大戰期間逃脫，但卻因迷路未能返回肉身，令雪花生命危在旦夕，至於戰敗的呂祖則被正義封印在石堆之中...今晚（23日）大結局，呂祖、木昆及穿山甲妖將展開終極大戰，向來自私的木昆更會為顧全大局捨身成仁…
大結局對決相當精彩，萬勿錯過。
到底雪花最後同木昆會唔會開花結果呢？
《本尊》結局周劇情發展主要圍繞穿山甲妖轉世的正義，而飾演正義的黃嘉樂雖是奸角，但由於角色性格並非大奸大惡、只是過於執著，加上對雪花一往情深，嘉樂亦演繹到位，故正義自出場後一直吸獲不少正評。除了顏值獲讚，網民又讚嘉樂演技開竅兼「奸得有型過人」，封他為「民初版夜神月」。演技方面，日前正義為幫亡母（黎燕珊飾）報仇、邊哭邊追殺金爺（韋家雄飾）場口，嘉樂成功演繹出極憤怒同時而又極心痛的狀態，完全有「分不清是雨還是眼淚」的感覺。加上多幕冷眼、霸氣及奸險等不同表情突襲，令人看得心寒又肉緊。
黃嘉樂
黃嘉樂呢幕雨中爆喊戲一絕。
黃嘉樂演技顏值俱獲讚。
呢個樣又真係好陽光。
見到阿爸喊成咁都仲要咁冷淡，好心寒。
笑容好奸
黃嘉樂顏值一直係網民正評重點。
辛正義當面踢爆木昆神棍身份。
保養心得變愛妻宣言？！
談到角色獲讚，嘉樂坦言花了不少時間做功課，並感激太太無私付出：「好多謝大家有正評，對一個演員係非常之好嘅鼓勵。講到嗰場（雨中）喊戲，我覺得可能同我自身經歷有啲關係，因為我爸爸過咗身，所以情緒上嘅代入會比較容易，另外當然係全靠劇本賦予呢個角色唔少細緻位。拍呢套劇嗰時，我其實係準備緊婚禮，但太太為咗令到我可以安心演戲，佢同我講：『婚禮嗰啲嘢我會全程負責晒，你只要專心做好你嘅工作就得』，佢仲叫我要交足功課，把握好每個機會。作為一個演員，同埋都做咗成20年，我唔可以辜負人哋畀我嘅機會，要對得住自己，每一個角色都係一個好嘅機會，我係抱住咁嘅心態去Prepare角色、盡力做好。」談到顏值獲讚，嘉樂竟搞笑地發表愛妻宣言：「我要多謝我爸爸、我媽媽，同埋要多謝我太太令到我咁快樂。我覺得一個人開心，係容易啲保持到自己個外表嘅。」
辛正義做事雖然硬繃繃，但對雪花卻一往情深。
除了嘉樂，孔德賢（Danny）的喊戲亦大有進步，昨晚一場雪花及呂祖探監場口，木昆拿著饅頭狼吞虎嚥、兼邊食邊喊邊懺悔一幕相當有感染力，不但演活百感交集的內疚情緒，更哭至涕淚交連相當入戲；更誇張的是，即使不是主角場口，Danny也會根據劇情「話喊就喊」，以致在大wide shot中、亦能看到Danny兩行閃閃發光的眼淚。談到喊戲愈演愈好，Danny坦言全靠演《你好，我的大夫》後開了竅，並坦言自己也確實愈拍愈入戲：「嗰時係《大夫》同《本尊》疊住拍，我都斷斷續續喊咗成一、兩個月；同埋監牢場戲因為都拍到尾聲，我真係完全代入咗陳木昆嘅角色，覺得講咗咁耐大話好對唔住大家，同埋因為東閔同嘉慧都好畀到情緒我，所以啲眼淚係真情流露。」
孔德賢
孔德賢呢幕喊戲真係做得好好。
孔德賢啲眼淚話嚟就嚟。
