TVB同芒果TV合製嘅音樂節目《聲生不息》播出後反應熱烈，適逢聽日係母親節，預計一班歌手例牌會唱出《真的愛你》同《MaMa I Love You》，呢啲歌頌母親嘅歌曲嚟應吓節。不過，盛傳今個週末所有湖南衛視嘅綜藝節目都會停播，而由於香港同湖南嗰邊係安排同日播出，為免混亂，相信都會暫停。鍾意廣東歌同《聲生不息》嘅樂迷，或者要等多一個禮拜啦。
至於點解湖南衛視突然要停播綜藝節目呢？盛傳同上個禮拜五長沙市發生嘅樓房倒塌事故有關，呢個嚴重事故最終確認有53人遇難，而湖南省委常委、長沙市委書記等官員都有出嚟鞠躬道歉。如今停播綜藝節目去尊重返逝去嘅死者，絕對係最適當同明智嘅處理方法。
湖南衛視停播綜藝節目都唔係第一次。譬如近期發生嘅嚴重空難事故，湖南衛視都有呢個決定，以示對遇難者嘅尊重。相信觀眾都會理解同明白。
霸戲哥
** 博客文章文責自負,不代表本公司立場 **