噚日韓國舉行嘅「第58屆百想藝術大賞」，獲8項提名嘅大熱劇集《魷魚遊戲》，最終奪得電視部門大賞，可惜男主角李政宰大熱倒灶贏唔到視帝寶座。
今集贏唔到啫，續集可以再嚟過。正如魷魚遊戲咁，只要仲有一口氣，都仍然有機會。《魷魚遊戲》續集預計2024年年底喺Netflix面世，導演黃東赫被問到今次有咩點子時，都係例牌懶神秘，淨係話今集嘅新遊戲唔再咁小學雞，保證好過第一集。係咪咁堅，真係聽住先。
上集結局講到終極贏家李政宰原本可以同個女團聚，但去到最後把心一橫再入game，誓要擊潰呢班幕後玩家。
霸戲哥
** 博客文章文責自負,不代表本公司立場 **