盧瀚霆亡命工作70個鐘終於有覺好瞓 派台歌《Mr.Stranger》榮登叱咤榜冠軍

MIRROR「教主」盧瀚霆（Anson Lo）人氣果然爆晒燈！今年的派台歌《Mr.Stranger》MV在YouTube上架剛過2個月時間，已突破1千萬次點擊，認真誇張。此歌在叱咤「903專業推介」上榜9星期，昨天（7日）更終於榮登上冠軍寶座，可喜可賀！

盧瀚霆（Anson Lo）

Anson Lo在《Mr. Stranger》MV中化身美男吸血鬼，大走暗黑路線。

《Mr.Stranger》本周榮升做叱咤冠軍歌。

另外，近來為新劇及新MV疲於奔命的「教主」在昨日凌晨1時才收工，並在限時動態大嘆：「剛剛是日完的一刻，好好記錄這一個心情，因為繼這三日的亡命70小時工作，今晚可以好好睡個6小時﹗」聽見都為他感到辛苦呀！

做足70個鐘終於可短暫抖抖！

瞓咗6個鐘左右，又再做嘢，做到今日凌晨4點先收工！

6點先食收工糖水，「教主」話成兩個月無食甜嘢，鐵人生活真係不容易！

返屋企休息啦！

可能是新作帶來的效應，原先在上周《Mr.Stranger》曾一度跌落榜邊緣的第18位，但今周連升17級成為冠軍歌曲，並成為「教主」第2首叱咜冠軍歌。

姜濤的新歌MV上架一周已破330萬點擊。

姜B在生日推出作品，宣揚反戰訊息。

至於，同是「鏡仔人仔王」的姜濤，新歌《作品的說話》MV在YouTube上架僅1周，已破330萬次點擊，成績卓越。

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」