森美母親節IG分享與媽媽童年合照自認難教 6號姜皓文憶亡母望天上安好

圈中一眾孝順仔女母親節紛紛出Po，祝媽媽「母親節快樂」，不少明星更分享自己童年與媽媽的合照。

今日是母親節，圈中一眾孝順仔女都紛紛出Po，祝媽媽「母親節快樂」，不少明星更分享自己童年與媽媽的合照。

森美自認兒時難教。

森美今日於IG分享自己身穿校服，兒時與媽媽的合照，「母親節快樂，一睇我嗰陣時個樣就知我難教啦！我有今日，多謝媽咪。」更表示昨日（7日）已預早跟媽媽慶祝，今日再公開祝媽媽快樂健康，又稱昨晚（7日）唔記得Kiss媽媽，而家公開補番。

森美分享童年與媽媽的合照，好多網民話完全唔認得佢。

但網民重點就放在森美以前個樣度，話完全認唔出係森美，又話佢真係愈大愈靚仔，咦？咁即係話森美細個個樣……又有網民話森美個樣似係被迫影相咁，不過點都好，可以肯定嘅係佢對媽媽嘅愛係真嘅！

反而森美媽個樣冇乜點變，Keep得幾好。

近日忙於舉行《LIVE BY THE HARBOUR》音樂會的RubberBand（RB）主音6號（繆浩昌），今年是其母離世後，他經歷的第3個母親節，這天他亦於IG出Po，表示：「媽媽，母親節快樂！老實說，您走後每次唱《未來見》都有好大難度，綵排時我就失守了，但我之後還是會好好唱的，唱到最遠，您定會聽到的。」並感謝您總在天上眷顧著我們。其實去年他於《RubberBand Ciao 2021》演唱會，都曾剖白喪母心情，在台上一度爆喊，這段時間都靠寫歌記錄和抒發心情。

6號媽媽前年因病離世。

而14歲就喪母的姜皓文亦上載與媽媽唯一的合照，「妳在遠方的另一個世界過得好嗎？媽，我想妳。」並祝願天下母親健康快樂。

6號出Po祝媽媽，母親節快樂！

洪永城就受疫情影響，3年冇見過媽媽，「我喺香港，你喺台北，無見三年，好彩見你都生活得精彩，一時又喺廣場跳舞、一時又去上哲學堂送啲金句畀我、又啱啱去完澎湖旅行、又叻叻識得執相P圖。」又話媽媽高興，他就高興，去年底榮升人父的他，亦向媽媽表示：「好快見面，孫女等緊你。」

姜皓文喪母逾40年，母親節分享與媽媽的唯一合照。

另外，洪卓立、薛凱琪、范冰冰、楊丞琳、楊潮凱、胡定欣、王梓軒等都上載與媽媽的合照，祝賀母親節快樂。

洪永城與媽媽分隔兩地，已經3年冇見面。

而與霍建華育有一女的林心如就在IG分享，相信是女兒送的手造小禮物，並留言：「謝謝寶貝。」睇嚟好冧呀！

洪永城媽媽不時Send相畀阿仔，仲被阿仔爆學識P圖。

洪永城今年都陪老婆過第一個母親節。

洪卓立細個好得意。

薛凱琪分享童年與媽媽的合照。

薛媽媽後生好靚。

范冰冰晒母女合照。

楊丞琳同阿媽好似樣噃！

楊潮凱深明父母的辛勞。

孝順女定欣母親節當然要陪吓媽媽啦！

王梓軒陪長輩過節。

鄺文珣同媽媽一樣都生咗3個小朋友。

廖碧兒都好耐冇見父母。

鍾舒漫同媽媽十足餅印咁。

森美母親節IG分享童年合照自認難教 6號姜皓文憶亡母望天上安好

森美：「有用嘅嘢想用都冇得用」！

全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！

Mayanne同GM分別擔任主持及助理主持。

今集請嚟火火（左起）、森美同埋劉翁擔任嘉賓。

年屆50嘅森美笑言最開心係可以同BTS一齊入伍。

火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！

火火親述「抓龍筋」過程，啲表情包勁爆笑。

之後眾人大談中年危機6大徵兆，其中一項係性能力/性慾下降。

森美激動表示慘遭老婆無視，搞到「有用嘅嘢想用都冇得用」！

之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」

之後講到依家男士魅力不再，森美留意到依家好多男人操肌係為咗吸引異性。

再講到出軌問題，森美話成本太高唔敢嘗試。

已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。

劉翁自爆第一段婚姻出軌經歷。