張致恒拍片Po抖音 被網民狙擊幾時還錢畀阿Sa

留言叫佢還錢！

張致恒（Steven）2019年被爆一腳踏幾船，再宣佈奉子成婚，而且被爆頻向圈中好友借錢又唔還，形象插水搞到Boy z紅館夢碎，要關智斌（Kenny）獨力撐場。當中容祖兒（Joey）、蔡卓妍（阿Sa）等亦多次借錢畀Steven，但最後就失望到連Steven IG都唔再Follow，正式絕交。日前Steven於抖音上載影片，叫大家關注好友帶貨賣嘢的抖音帳號，卻引來網民瘋狂留言叫他還錢畀阿Sa。

張致恒即使已成家立室，仍然未甩到負面形象。

張致恒（左一）曾被指頻向圈中好友借錢。

張致恒日前拍片Po抖音，又被網民狙擊。

Steven日前拍片Po抖音，個樣睇落有啲愁，而且連鬚同頭髮都白白哋，連網民都留言問他：「點解咁多白頭髮嘅？」不過其他留言幾乎清一色都係問Steven幾時還錢畀阿Sa，「仲唔還錢畀阿Sa」、「你還咗錢畀阿Sa先講」、「點解你要呃阿Sa啲錢」，睇嚟好多阿Sa Fans心痛偶像曾力撐好友卻被背叛。又有網民批評Steven冇誠信，因此不會關注他介紹的抖音帳號，亦不支持他的作品。

張致恒頭髮同鬚都白白哋，個樣好似好愁咁。

好多網民留言叫佢還錢。

睇嚟好多阿Sa Fans戥偶像唔抵。

昨日（8日）是母親節，張致恒老婆雯雯都有分享大仔玩耍的影片。

張致恒愁樣拍抖音片為好友宣傳 網民狂叫還錢畀阿Sa

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。