有網民在facebook群組將軍澳主場發文，昨日下午6時在將軍澳中心對出馬路，見到一名外賣員將一袋食物外賣跌落地。網民形容，「成隻咸豬手跌左出嚟。哥哥即刻拾返落盒。邊個食到有沙，唔關餐廳事呀！」，網民又補充「盒沙律都跌左出黎打開晒...應該係唔小心，佢踩住單車，袋嘢忽然成袋跌落地。」
食肆「蜜蜜見」在社交網站回應事件。網上圖片
事件引發網民譁然，有人形容是「風沙豬手」。有人就認為，「外賣速遞快，咁急住送畀客人,有一定風險」、「送外賣的都係好辛苦，送遲咗又得失啲客。有時見佢哋路上踏單車好快，真的怕他們會受傷。但呢位車手又處理得唔好，跌食物落地要通知公司、客人。但可能佢怕被black list無得再做」。
資料圖片
發文者解釋，「我出post就係驚食左嗰位人士，會誤會咗係蜜蜜見嘅問題...個車手應該都好無奈，但係就咁執返俾人食，唔衛生之餘仲會影響咗餐廳嘅聲譽。」
資料圖片
食肆「蜜蜜見」在社交網站回應事件，指接獲街坊通報，現正追查當中，如果顧客不幸進食有關外賣，呼籲跟店家聯絡。
資料來源：「將軍澳主場」FB
有目擊外賣員將外賣食物倒瀉落馬路照樣收拾入盒，擔心有衞生問題。示意圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
