傳許廷鏗暗撻女助手 女方被指爭主動出擊倒追偶像

許廷鏗（Alfred）參加首屆《超級巨聲》出道以來，緋聞多多，惟緋聞大多是「Hehe戀」，令他性向成為。Alfred出道不久便傳出撻着張敬軒，原因是當時軒公慷慨借出價值逾10萬的私家咪給他，及後Alfred又和「巨聲」第二屆亞軍胡鴻鈞（Hubert）便出緋聞，師兄弟除了經常孖住出席活動，連情人節都會一齊過，關係曖昧。不過，近日Alfred傳出有新歡，緋聞對象竟然是女助手Bonnie！

許廷鏗（Alfred）

出道無耐，Alfred同張敬軒傳過緋聞。

Alfred同師弟胡鴻鈞（Hubert）同鬧過緋聞。

據知，Bonnie在成為Alfred助手前，曾在音樂平台工作，並一早已十分傾慕Alfred，故主動出擊，排除萬難爭取到機會擔任Alfred的貼身助手，二人最終都因工作關係朝夕相對而對出了真感情，之後二人便經常孖公仔出席活動，又戴情侶款頸鍊高調哂恩愛！！

近日有消息指Alfred戀上女助手Bonnie。

據指是女方自己爭取做貼身助手，倒追Alfred！

早前Alfred疑在家中做直播，Bonnie還出現在其家內，因此盛傳二人已到同居階段。但Alfred的另一工作伴伴何小姐，卻否認他跟Bonnie拍拖，聲稱兩人僅是工作好拍檔。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。