聽到「伊朗式」呢三個字，鍾意睇戲嘅人自然會連接到金像導演Asghar Farhadi度，好似所有伊朗電影都係佢拍咁。新作《伊朗式英雄》，係Asghar繼《伊朗式分居》（2012）、《伊朗式離婚》（2013）同《伊朗式遷居》（2016）後，再次以小人物講大故事。電影上年勇奪康城影展評審團大獎，同獲得金球獎最佳非英語電影提名。
故事講述主角Rahim欠債入獄，喺假釋期間，女友Farkondeh喺街執到個裝住金幣嘅手袋，原本兩人諗住變賣還債，點知計落都唔夠還，索性搵失物主人博拎獎金。呢件「好人好事」再加上媒體嘅加鹽加醋，令Rahim意外爆紅。
套戲今個月19號先上，嚟緊喺高先電影院 Golden Scene Co. Ltd. - Film 有兩場優先場，分別係禮拜日下晝2點20分同下個禮拜二夜晚9點25分。霸戲哥啱啱裝過仲有極少量座位，想先睹為快就要把握機會啦。
霸戲哥
** 博客文章文責自負,不代表本公司立場 **