MIRROR歌迷會可抽籤買個唱門票 鄭欣宜含淚拍片感謝支持

但只有2500名額！

隨着新冠疫情緩和及放寬防疫措施，表演場地已重新開放，不少歌星及組合輪住去紅館開騷，包括MIRROR、鄭欣宜、衛蘭及關心妍，相信陸續有來，各位歌迷有福了。其中MIRROR早前宣佈首踏紅館舉行10場演唱會，即時掀起全城搶飛潮，日前兩次的優先訂票皆合部售罄，其中有「黃牛黨」將1,280元的最貴門票炒賣至近44萬元更成為全城熱話。

MIRROR官方歌迷會今日公佈會員可以抽籤買個唱門票。

而MIRROR的官方Fan Club本周正式面世，當中可享有「訂購MIRROR演唱會門票的機會」，而MIRROR官方社交帳號今日公佈購票的相關消息：「為咗令MIRO（歌迷會成員名稱）更容易入場支持MIRROR，Fan Club已經預留限量門票並將舉行抽籤認購活動。每位MIRO都可以參與，中籤者將可於指定日子購買演唱會門票2張，到時一齊為MIRROR尖叫！」官方歌迷截至現時大約有56000人，但今次僅有2500個門票抽籤名額，難怪不少鏡粉坦言即使已加入歌迷會，仍然是一票難求！

不少鏡粉昨日也出盡力搶購優先訂票。

有指主辦單位也傾向加場，以滿足市場需要。

欣宜開心到眼濕濕

另外，欣宜在下月10至12日在紅館舉行三場演唱會，而今日某銀行信用卡優先訂票，反應熱列，火速售罄，並宣佈下周三（18日）公開發售。得到歌迷大力支持，欣宜在IG限時動態內拍片答謝，只見她眼有淚光，表現得十分感動。及後欣宜表示：「勁開心、勁感動，期待18號公開發售，多謝大家支持！欣宜小妹會加倍努力為演唱會準備做得更好，等到時我哋之間可以留低最好嘅回憶！」 

欣宜眼濕濕真係好開心，多謝大家支持。

近日已積極練歌準備。

MIRROR歌迷會有2500名額抽籤買飛鏡粉呻渺茫 欣宜見售罄眼濕濕

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」