林芊妤(Coffee)近年積極鍛練瑜珈,就算生完BB身材亦一樣弗爆,早前她曾分享了母親成功蛻變的故事,坦言自己花了兩年時間令媽媽「回春」,人變靚咗性格也變得開朗。Coffee昨日(13日)又在IG分享與媽媽的合照,相中見Coffee媽媽繼續青春,完全看不出已為人祖母,反而看上去猶如兩姊妹。
Coffee寫道:「仲記唔記得上次我同大家講過,呢幾年好積極幫媽咪大變身,務求令佢走上貪靚之路,仲講過有啲成績嘅話會同大家分享,到呢幾日都仲有人問我幾時會拍,我哋今日終於完成咗啦!下一條YouTube片,我就會同大家分享整個過程,同埋我究竟對佢做過啲咩手腳,好好期待一下,最後嗰張係六年前既黑歷史。我要令全世界嘅女人都變得靚靚,我要你哋由內在到外在散發自信」。
在 Instagram 查看这篇帖子
睇返Coffee媽媽六年前的照片,相中見媽媽當年的打扮較為樸素,與現在相比判若兩人,確是回春了不少,網民都驚呼:「逆齡生長的母親」、「似兩姊妹多過兩母女」。