奔喪後由台返港喉嚨不適 王馨平確診新冠住隔離酒店

台灣新冠疫情持續，今日新增63,964宗本土病例，並再增40人死亡。王馨平（Linda）上月8日返台灣為父親王羽奔喪，留台一個多月，昨日（13日）才啟程返香港，今日在社交網透露自己在香港機場檢疫後確診新冠肺炎，寫著：「Oh, I got it昨天在香港機場的PCR竟然説我確診了！現在只好乖乖來到政府指定的輕症者隔離酒店，不過大家別擔心，目前我只有輕微喉嚨不適感，我會多喝水多休息的 #covid_19 #單獨隔離」。

Linda今日在社交網透露染疫。

王馨平昨日啟程由台灣返香港。

Linda一向好注重健康，上月在台灣隔離期間，亦每天做瑜伽。

一代武俠巨星「獨臂刀王」王羽於4月5日病逝，享壽80歲，他生前一直由次女王加露陪伴照顧，長女王馨平及孻女王美怡則分別從香港及加拿大趕回台灣奔喪。王馨平在台灣隔離期間，仍很注重健康，曾上載在酒做瑜伽的照片，想不在回港首天已證實確診。

王馨平等家屬，上月28日為王羽舉行追思會。

王馨平奔喪後返港確診新冠 喉嚨不適入住輕症隔離酒店

王馨平與兩妹接受傳媒訪問，心情沉重。

8強選手將聯乘8位歌手合唱，爭奪最終殺入決賽的7強名額

歌唱真人騷《香港何濟公止痛退熱散呈獻：中年好聲音 2》，17日9點翡翠台播出，節目由車婉婉擔任主持。本集是最終樂章．第二回《決賽前哨戰！歌手助力賽！》，8強選手將聯乘8位歌手合唱，爭奪最終殺入決賽的7強名額，此回合繼續有肥媽、伍仲衡、張佳添、周國豐和陳慧嫻擔任評審。17日晚一集最亮眼選手是古淖文！淖文與「恩師」谷婭溦合唱《Bad Boy》，兩人以型爆黑銀Look上陣，溦溦大玩透視誘惑晒小背心，非常惹火！兩人High爆跳唱《Bad Boy》引爆全場氣氛，婉婉更笑言兩人像「麻辣火鍋」，最終兩人獲得95分佳績，平了大魔王安雅希創下的95分紀錄，表現亮眼。對於淖文的演出，伍仲衡說：「你好屬於舞台，你係今屆加埋上屆One of the most壓台，點解未畀到19分？因為我覺得未夠曳！」給了滿分20分的陳慧嫻笑言：「伍sir你後知後覺啦，我一早話咗佢係巨星嚟。」

古淖文、谷婭溦嘅《Bad Boy》真係冇得輸。

谷婭溦開心到飛撲古淖文。

伍Sir叫淖文要再曳啲。

陳慧嫻繼續讚淖文係巨星。

與林志美合唱《我要我們在一起》的黃劍文同樣表現亮眼，劍文今次非常聽話唔再揸結他，解放盤骨晒舞功，劍文與林志美邊唱邊跳舞，甚有舞台劇感覺！伍仲衡說：「基本上你唔係唱歌，而係演緊戲，我係覺得你同我心靈講緊嘢，你畀我見到一個全新面貌嘅黃劍文，我好享受成個表演。」周國豐亦大讚：「我冇見過你跳舞，但又OK喎，完完全全係一個高水準表演。」最終劍文憑住出色表現首度獲得MVP，愈戰愈強！

黃劍文唔玩自彈自唱，轉玩跳舞都有啲料到！

伍Sir話好似睇緊舞台劇咁。

周國豐話估唔到劍文跳舞都ok。

黃劍文首度獲得MVP。

陳俞霏亦迎來大爆發，她與王馨平以黑白雙煞造型上陣合唱《多得他》，兩人一唱一和非常合拍，俞霏的老公亦有到場支持太太，非常有愛。最終俞霏獲得90分佳績，張佳添大讚：「你個頭開得好好，能量好好，兩個把聲黐埋係一種好strong嘅女性能量，你今次係喺我心目中最好一次嘅表現。」對於能夠和王馨平合作，俞霏十分感激對方照顧，她哭着說：「大部分人覺得我係蒸生瓜（唔夠成熟），馨平老師畀到好大動力我，一次又一次鼓勵我，好難得有一個前輩咁樣去幫一個後輩，每一句鼓勵都係溫暖緊我。」劉威煌與彭家麗合唱《煩》，來到準決賽威煌竟然膽生毛挑戰唱Rap，可惜最終唔work，伍仲衡說：「有咩理由semi final試新嘢，你嗰段rap係令我更加扣分，唔好喺比賽嘗試唔擅長嘅嘢！」最終威煌僅獲82分，在累積排名榜包尾，8強止步。

陳俞霏（白衫）同王馨平合唱《多得他》。

陳俞霏老公（右）都有到場支持

陳俞霏爆喊感激王馨平嘅鼓勵。

張佳添大讚陳俞霏嘅演出。

劉威煌玩新嘢出事，無緣決賽。

《中年好聲音2》7強名單最終如下（排名不分先後）：安雅希、陳俞霏、黃劍文、譚輝智、古淖文、顏米羔、沈宗賢

7強名單出爐。