樓價高踞不下，想擁有一個安樂窩並不容易。一名網民於討論區發文，指因預算有限，故考慮購買油尖旺區的200呎納米樓「上車盤」，當作投資再換樓，引起一眾網民熱論。
資料圖片
該名網民於「連登討論區」發文，指與伴侶月入共約5萬元，由於兩人家中各有兄弟姐妹，故希望能搬出來擁有私人空間，惟租樓費用太貴「好難儲錢」，故選擇盡早置業。
樓主指，近日睇樓時，留意到油尖旺區一個200呎納米樓單位，「半新樓200呎單位講緊先400萬」，而且樓齡較新，周邊環境亦不錯，「近大家返工，鄰居年齡差唔多，環境好過舊樓」。他又指，經初步計算，首期連雜費只需約50萬元，認為屬兩人可負擔的範圍內，「到時供樓約1.2萬元，其實唔算多」，故猶豫應否購入單位，「供樓可以當儲吓錢加追樓價通脹，過多幾年真係想生（小朋友）可以再樓換樓」。
設計圖片
帖文引起網民熱議，有網民認為納米樓升值空間細，日後想放盤有難度，「我寧願買舊樓，納米樓真係好難住人，想屋企買多少少嘢都唔得」、「納米樓不如買大小小舊樓」；亦有人認為最好選擇一房單位，「起碼要買一房，第時有機會一開二放租都易啲」、「供落去當儲錢，五年後儲到錢咪樓換樓囉」。
港男猶豫應否購入單位。unsplash圖片
樓主其後補充指，不打算買舊樓單位，直言「入到去已經唔想停留，諗起要住真係想死」，並指新樓樓底高，可改造閣樓「將牀升上去」。他又指，留意到納米樓的成交量亦不少，故不擔心無市場，「都係睇價錢」。
資料來源：連登討論區
情侶欲購200呎納米樓單位，港男猶豫應否「上車」。《香港愛情故事》劇照
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
