強調亞視冇拎薛影儀嚟玩 經理人林寶玉難忘阿儀喊住求救

Connie指阿儀好信任佢，比佢家人更親近。

林寶玉（Connie）由亞姐轉職為「亞視一姐」薛影儀的經理人，兩人合作一年已超越家人關係。對於網民認為亞視明知阿儀講嘢唔叻，外型又特別，夾硬推佢出嚟畀人笑，Connie對此完全唔認同，強調外間認定亞視玩阿儀係有誤解：「疫情前阿儀每個月有5位數字人工，我哋（亞視）冇拎阿儀嚟玩，就算佢屋企有事都有提供現金援助。」

Connie陪阿儀上庭，又陪佢開記招兼一齊鞠躬道歉。

Connie唔介意性感，有樣有身材嘅佢好有潛質出寫真。

擁有32C-24-35 fit爆身材嘅Connie，被封為「索爆經理人」，網民喺討論區開Post「薛影儀嘅經理人林寶玉正到癲好吸引」，Connie笑言，「當日着住條黑色緊身褲陪阿儀出庭，搞到網民錯重點啫！」

網民喺討論區開Post讚Connie好吸引。

當日林寶玉着住條黑色緊身褲陪阿儀出庭，搞到網民錯重點！

Connie係2020年亞姐「網絡人氣獎」得主，去年開始被賞識轉做經理人變咗雙重身份，阿儀更成為她上任後第一個藝人：「我對佢百份百付出，最難忘佢喺羈留室（起飛腳踢人事件），只可以見一個人，佢竟然揀咗搵我，平日阿儀冇乜表情，但嗰次見佢好無助，然後喊住同我講：『我驚呀！』我知佢點樣大膽但今次真係驚，嗰刻好想攬住安撫佢。」Connie坦言阿儀喊住求救一幕令佢畢生難忘，「原來佢好信任我，我比佢家人更親近。」

兩年前，Connie選亞姐時奪「網絡人氣獎」。

阿儀去年著泳衣參選亞姐時，Connie有份做評判。

Connie除咗安排工作仲做埋阿儀心靈導師：「阿儀一夜成名，但佢從未接觸過呢行係有啲迷茫，尤其介意被網上欺凌，佢會截圖同我講好唔開心，會有情緒、會爆粗…我除咗要尊重佢感受，好好去保護佢之外，仲要同佢講解呢行係乜嘢一回事。其實阿儀腦筋靈活，各方面都清晰，佢好清楚知道自己做緊乜，我亦有同佢家人交待佢嘅事。」

Connie越洋送過千蚊嘅發光花束畀阿儀慶生。

阿儀被控以普通襲擊及違反「口罩令」兩罪等候上訴中，據知幾萬蚊律師費由亞視一力承擔。Connie指亞視一直對阿儀好好，問到收入方面，係咪月入只得6千至1萬元呢？林寶玉解釋，疫情下好多人都開工不足，尤其娛樂圈，不過，阿儀平均每月出過萬蚊糧：「公司Keep住關心佢嘅生活，有需要會幫佢搵生活上嘅贊助，好似之前佢媽媽走咗，亞視有提供現金支援，送上慰問，幫佢解決問題；佢要求學英文，最近又話想學我影吓啲model相，佢咁有興趣，我都會幫佢安排吓。」

Connie有「翻版陳法拉」之稱，佢話會分清身份，做幕前就一定要靚。

Connie要挑戰自己，無論幕前幕後樣樣都想試。

Connie可塑性好高，甜又得Cool亦可以。

濕身相好誘人，令人想入非非。

曾同許廷鏗哥哥許永鏗（Wilson）拍拖，所以同Alfred都好老友。

經過一輪精彩比賽，賽果由12歲Faye(潘祉晴)以出色表現大熱嬴得「全場總冠軍」、18歲的性感Hannah則奪「最佳髮型大獎」

「徐濤專業模特兒學校」主辦《國際超級模特兒大賽2024》已於7日 假尖沙咀唯港薈酒店圓滿舉行，進入昨日總決賽的參賽模特兒共有61位之多，比賽分為兒童組、青年組及成人組，參賽年齡由兒童組的2歲至成人組38歲，賽項分別為：才藝表演、晚裝catwalk、成人組泳裝，各位參賽者水準相當高。

而評判團全屬重量級人馬，包括：國際名模教母徐濤老師、模二代高靖小姐、國際美容健康總聯合會創會會長彭玉玲博士、國際教育認證聯盟執行主席李禮廷先生、貝安琪小姐、林寶玉小姐、星級導師Melinda、Nelson Poon及國際級模特兒Jeff、Ronn、Liza、Tanyar。

（左起）高靖、馬來西亞星級導師Melinda、徐濤、林寶玉、貝安琪

經過一輪精彩比賽，賽果由12歲Faye(潘祉晴)以出色表現大熱嬴得「全場總冠軍」、18歲的性感Hannah則奪「最佳髮型大獎」；成人組則由17歲Deniz奪得冠軍、26歲Rita亞軍、20歲Erika連捧兩個獎季軍及「最佳身材大獎」；青少年組由11歲Abby Tai冠軍、而15歲Oscar及10歲Jya Chyen 成為雙亞軍、9歲Puccini及11歲vivi jade也成雙季軍；兒童組則由只得4歲Onyx 張芷維以超cute台風成為冠軍、4歲半的可愛Lyvia奪亞軍、8歲Gemma及6歲Quinton何鈞皓成為雙季軍。

兒童組冠軍 Onyx 張芷維

青少年組季軍vivi jade

成人組冠軍 Deniz

成人組季軍Erika 劉芷而

成人組季軍最佳身材大獎Erika劉芷而

成人組亞軍Rita 張宇萌

12 歲Faye(潘祉晴)曾參與多個品牌兒童時裝騷，榮獲多個獎項， 其中包括「2023 年第三屆香港網絡人氣兒童模特大賽」榮獲第二名，另外曾參與多個時裝騷：日本時裝節 Gucci、 廣州時裝節Dior、深圳時裝節、泰國時裝節等，為國際名模教母徐濤老師得意門生，更曾公開讚揚Faye為她的未來接班人，今次勇奪全場大獎「全場總冠軍」實至名歸！

全場總冠軍 Faye Poon

全場總冠軍 Faye Poon

徐濤老師與24歲大女兒高靖、貝安琪及林寶玉擔任評判，而12歲兒子Henry Caddick亦有份上台行Catwalk，他坦言很享受行Catwalk時被燈光照射的感覺。而今日(8日)為徐濤的正日生日，生日願望身體健康，不要再有地震為台灣祈禱，同埋：「我個仔學業進步，他在國際學校讀緊小六，科科滿分。」而女兒高靖則在美國的大型屏幕刊登生日廣告牌。

徐濤與女兒高靖、兒子Henry Caddick

徐濤與女兒高靖、兒子Henry Caddick

「國際超級模特兒大賽2024」總決賽勝出者，有機會贏取總值一百萬元獎金及獎品，包括：一萬元現金獎、巴黎來回機票、巴黎及日本時裝週演出機會、五年模特兒合約，而只要進入總決賽的參加者均可獲得免費專業模特兒攝影。

得獎名單：

「全場總冠軍」Faye潘祉晴 (12歲)

「最佳髮型大獎」Hannah (18歲)

「最佳身材大獎」Erika (20歲)

成人組：冠軍Deniz (17歲)、亞軍Rita (26歲)、季軍Erika (20歲)

青少年組：冠軍Abby Tai (11歲)、亞軍Oscar (15歲) 及Jya Chyen (10歲)、季軍Puccini (9歲) 及vivi jade (11歲)

兒童組：冠軍Onyx張芷維 (4歲)、亞軍Lyvia (4歲半)、季軍Gemma (8歲) 及Quinton何鈞皓