*

其他文章
羅崑:【解讀習近平主席七一重要《講話》- "講好香港故事 一國兩制定可行穩致遠"】

霸戲哥之日常#195 │ 一生所愛

霸戲哥成日覺得粵語流行曲嘅靈魂,唔係演唱者,而係曲同詞。好嘅演唱者極其量為首歌加分,但冇優美嘅曲同富有意境嘅詞,唱得再好都難以流傳後世。如要再比較曲定詞重要,我會揀詞,遺憾嘅係,咁多年嚟,填詞人嘅地位始終唔及歌手。

TVB同芒果TV炮製嘅音樂節目《聲生不息》今晚播出第四集,主題係「一生所愛」,《一生所愛》原唱者盧冠廷又點可以唔現身。由於首歌係《西遊記大結局之仙履奇緣》插曲,節目仲播出「紫霞仙子」朱茵預先錄嘅聲,算係有驚喜。

盧冠廷嘅一生所愛梗係佢老婆唐書琛,首歌正正就係由唐書琛填詞。霸戲哥每次聽到「苦海翻起愛恨,在世間難逃避命運」都好有感觸。或者呢幾年經歷太多別離吧,盧冠廷用佢嘅獨特唱腔唱呢句出嚟,特別有種說不盡嘅欷歔。

所以話,好嘅詞係幾咁重要。

霸戲哥認為「一生所愛」唔應該只係講愛情,友情、親情、甚至乎對動物嘅情感亦應該包含埋。我咁樣講,相信豬視妹都會明白嘅。

霸戲哥

** 博客文章文責自負,不代表本公司立場 **