各式「刑具」招呼星級爸爸 林盛斌體驗「經痛」痛到面容扭曲

今晚（16日）第一集嘉賓為劉小慧、林盛斌（Bob）及陳柏宇（Jason）。育有兩女的劉小慧與一般家長觀念有點不同，認為追夢比學業更重要，並全力支持熱愛整甜品的大女中六畢業後到日本學藝。Jason小時候因家庭問題，一度入住兒童之家，後來獲婆婆接往加拿大照顧，兩婆孫感情相當要好，製作組遂安排Jason與婆婆隔空話當年，婆婆更大爆Jason奀皮史，內容搞笑又溫馨。

劉小慧大方分享育兒心得。

陳柏宇

柏宇同婆婆感情要好，今次佢哋隔空話當年，場面溫馨。

至於上一輯體驗過陣痛機的Bob，今輯「冧莊」繼續受刑體驗「經痛之苦」；阿Bob「受刑」時痛到面容扭曲兼企唔穩，更要出手推開主持，場面爆笑；阿Bob事後講述「刑後感」謂：「女性真係辛苦嘅，知道囡囡遲啲都要經歷呢件事，我會話總之每個月嗰幾日，有咩唔開心就攞出嚟講，爸爸都會包容。」

育有三女一子嘅Bob亦有現身分享育兒心得。

仲體驗埋女士的「經痛之苦」。

痛到企唔穩。

痛到眼鏡起霧。