而火火就笑言第一次見七師傅嗰陣覺得呢個人係傻嘅。
ViuTV最新遊戲綜藝節目《瘋火與膠七》於上周首播，節目由火火和七仙羽（七師傅）主持，還有何洛瑤（Sica）、劉兆豐（肥豐）、羅曼菲（Mangie）同鄧耀鏗（Gene）擔任助手。在火火和七師傅的帶領下，他們一起透過競技、遊戲、問答和短劇等衝擊觀眾底線，實行以笑聲救眾生！
七師傅喺新節目中需要大量演藝成分。
七師傅和火火在2020年首度合作主持《鬼同妳上位》，但火火憶述他其實在節目《萬人幫拖搞邊科》中認識七師傅，一同為疫情和香港人祈福。當時火火對她的印象已經很深刻，笑言覺得這個人是傻的。第二次合作二人似乎已經默契十足，被問到這次合作打算如何把新鮮感帶給觀眾，火火表示：「創作上我們沒有干預，我們只是在執行演出上發揮，基本上我們沒有夾過。」七師傅在節目中需要大量演藝成分，被問到有沒有向圈中好友請教，七師傅說：「我哋一嚟就嚟，好多時都係要執生，平時私底下都唔會特別傾點樣拍。」二人更透露節目中有不少爆肚場面，向觀眾呈現最真實的一面。
火火第一次見七師傅印象好深刻，笑言覺得呢個人係傻嘅。
再度合作，七師傅大讚火火轉數快：「基本上都不用綵排，大家工作咁忙時間好寶貴，火火轉數好快，終於遇到一個智商OK嘅。因為我試過有人接唔到我講嘅嘢，令到成個效果出唔到嚟！」火火亦貼心表示自己會盡量配合七師傅：「如果要同佢（七師傅）一早夾定點拍，要佢適應一啲正常嘢，咁佢就唔係佢，節目就唔好睇了。」他們透露在節目中有很多短劇，需扮演不同角色，其中火火表示最深刻的造型是扮精子卵子結合，他對七師傅穿着貼身衣玲瓏浮凸的身影歷歷在目！面對各種奇怪搞鬼造型，七師傅卻表示「笑唔出」：「笑嘅Energy都冇，日日都唔夠瞓！ 」
火火話會盡量配合七師傅。
在節目播出前一個晚上，七師傅在社交平台中宣傳，並勸喻觀眾即使不喜歡看也不要給負評，被問到是否接受不到抨擊，她回應：「其實我都唔得閒睇留言，都係人哋話返畀我知，製作一個節目有很多人付出，如果仲要係咁畀負評會有損功德。」至於七師傅與這麼多位MIRROR成員合作過，想必一定很多人向她查詢購票事宜，但是她稱自己都一票難求，甚至反向以前合作過的廣告商求票。
七師傅話畀負評會有損功德，自己都唔會睇留言。
