娛圈事
Jay表示𠵱家好勤力投入演唱會狀態，並透露rundown已經度好晒！
「唱作王子」馮允謙（Jay Fung）首次個人演唱會，將於7月於九展StarHall舉行，早前開賣首3場門票，反應熱烈，火速售罄，立即宣佈加開7月5日尾場門票，昨早（16日）開賣亦全部售罄。忙於綵排練歌的Jay，得知所有門票售清消息後，非常興奮，大叫「Oh My God」！
開賣嘅加場門票都全部售罄。
馮允謙加場門票售罊 興奮大叫Oh My God
Jay開心得手舞足蹈說：「我真係完全估唔到，有一個好好嘅消息，就係我演唱會加開7月5日嘅門票，公開發售，全部賣晒啦！Thank you so much！多謝你哋嘅支持，冇你哋就唔會有我，我𠵱家好勤力投入演唱會狀態，rundown已經度好晒，我會好好準備好我嘅身體，無論心理和體能都會好好，到時帶畀大家一個好開心、好有能量嘅演唱會，到時見！」
馮允謙處男個唱受歡迎。
為下次紅館做熱身。
「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。
Jay新歌《JAY FUNG儀態訓練學院》MV上架。
觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx
拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。
MV在一間高級餐廳拍攝，Jay坐在其中一張餐枱前。
一班瘋狂食客突然衝出，爭相搶食物，椅子都被撞跌。
最後Jay見到一位小男孩沒有跟著去搶食物。
便上前拖著小男孩離開。
拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。
Jay指同小朋友做對手戲最緊要係要同佢做朋友！
Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」
Jay對自己的名子出現在新歌名都感到好奇。
Jay式字幕
新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」
新歌以Jay的好脾氣做題材，但他自言都有發脾氣的時候。
