罕有分享屋企人合照 陳卓賢超用力啜媽咪

MIRROR成員陳卓賢（Ian）在下月9日迎接29歲生日，一向性格內斂低調的他，過去生日亦只會貼出童年照答謝媽媽，甚少公開媽媽的的容貌，不過Ian在昨晚（17日）突然在社交網激罕地分享了一張與陳媽媽的合照，相中見他攬實媽媽，非常肉緊地啜她的面珠，Ian寫道：「每天都是母親節。」又笑指媽媽討厭這張照片。

在MIRROR 12人之中，Ian算是最文靜的一個。

Ian曾貼出媽咪年青時抱着自己的相片。

雖然陳媽媽表情有點尷尬，但見她笑到見牙唔見眼，相信內心一定甜到漏，網民都留言表示：「唔洗再含蓄，有時都要用行動表示」、「少見到你咁熱情嘅舉動」，而一眾Hellosss（粉絲暱稱）都笑言：「排隊陳媽個位」。

近照真的十分少有。

以往曾分享自己小時候的相片。 ​

BB時剛剛學行的時候。 ​

呢張Ian求學時期相信Hellosss一早已見過。

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」